हिजोआज काठमाडौँ उपत्यकालाई वरिपरिबाट नियालेर बसेका शिवपुरी, फूल्चोकी, चन्द्रागिरिलगायतका चुचुराहरू एकदिने पदयात्राका उपयुक्त गन्तव्य बनेका छन्। सडक तथा यातायातको सुविधाका कारण उपत्यकाको जुनसुकै स्थानबाट पनि केही घण्टामै यी चुचुराहरूको फेदीसम्म पुग्न सकिन्छ। यसै क्रममा काठमाडौँको उत्तरपूर्वी दिशामा अवस्थित शिवपुरी चुचुरो (२,७३२ मिटर) मा पदयात्राका लागि पुनः जाने योजना बन्यो।
सोही योजनाअनुसार दुई हजार त्रियासी साल असोज चार गते आइतबार बिहान सात बजे ‘हाइक फर हेल्थ’ नामक हिँडन्तेहरूको अनौपचारिक समूहका सदस्यमध्ये हामी पाँचजना बूढानीलकण्ठमाथि रहेको मुहानपोखरीमा जम्मा हुन आआफ्ना गुँडबाट निस्कियौँ। बिहानको तयारी र अन्य काम गर्दागर्दै हामी दुईजना मुहानपोखरी पुग्न केही ढिला भयौँ। सात बजे नै त्यहाँ पुगेर हामीलाई कुरिरहनुभएका साथीहरूमध्ये एकजनाले भन्नुभयो, ‘तपाईंहरूलाई हामीले धेरै बेर कुरिसक्यौँ। बरु हामी हिँड्न थाल्छौँ। हेलिप्याडमा भेटौँला।’
स्रोतमा पूरा पढ्नुहोस् ( himalpress.com )
