काठमाडौँ- सुदूरपश्चिम रोयल्सले नेपाल प्रिमियर लिग (एनपिएल) को तेस्रो संस्करणको उपाधि जितेको छ । शनिबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको फाइनलमा साविक विजेता लुम्बिनी लायन्सलाई १० विकेटले पराजित गर्दै सुदूरपश्चिम पहिलो पटक च्याम्पियन बनेको हो ।
लुम्बिनीले दिएको १५६ रनको लक्ष्य सुदूरपश्चिमले १३.३ ओभरमै कुनै विकेट नगुमाई पूरा गर्यो । सुदूरपश्चिमको जितमा जर्ज मन्सेले अविजित १२५ रनको शतकीय पारी खेल्नुभयो । उहाँले ५४ बलमा १२ छक्का र आठ चौका प्रहार गर्नुभयो । अर्का ओपनर विनोद भण्डारी २७ बलमा ३० रन बनाएर अविजित रहनुभयो ।
स्रोतमा पूरा पढ्नुहोस् ( nepaltvonline.com )