Trending
Prev Story
Next Story

एथलेटिक्स : नेपाली धाविका सन्तोषीले कोर्स रेकर्डसहित जितिन् स्वर्ण पदक

Ekantipur •
November 21, 2026 • 09:32 AM
3
3 reads 0 reactions

हुलुमालेस्थित सेन्ट्र पार्कमा भएको माल्दिभ्स रोड रेसमा सन्ताेषी श्रेष्ठले हाफ म्याराथन र ५ किमिमा स्वर्ण जितिन् । पुरुष हाफ म्याराथनमा नेपालका सन्तोष विक्रम बिष्टभन्दा एक सेकेन्डले पछाडि रहे ।

एथलेटिक्स : नेपाली धाविका सन्तोषीले कोर्स रेकर्डसहित जितिन् स्वर्ण पदक

हुलुमालेस्थित सेन्ट्र पार्कमा भएको माल्दिभ्स रोड रेसमा सन्ताेषी श्रेष्ठले हाफ म्याराथन र ५ किमिमा स्वर्ण जितिन् । पुरुष हाफ म्याराथनमा नेपालका सन्तोष विक्रम बिष्टभन्दा एक सेकेन्डले पछाडि रहे ।

काठमाडौं — माल्दिभ्समा भएको १७ औं संस्करणको धिरागु रोड रेड २०२६ मा नेपाली धाविका सन्तोषी श्रेष्ठले दुई विधामा कोर्स रेकर्डसहित स्वर्ण पदक जितेकी छन् । उनले महिला हाफ म्याराथन र ५ किमिमा स्वर्ण जितेकी हुन् ।

हुलुमालेस्थित सेन्ट्र पार्कमा भएको रोड रेसमा विभिन्न देशका खेलाडीसहित ५ हजार ५ सयको सहभागिता थियो । दुई वर्षअघि दुवै विधामा स्वर्ण जितेकी सन्तोषीले हाफ म्याराथन १ घन्टा २६ मिनेट ३९ सेकेन्डमा दुरी पार गर्दै स्वर्ण जितिन् । माल्दिभ्सका आइसाथ जिनानी इब्राहिम र फाथिमथ सिजाले रजत र कांस्य पदक जितेका थिए ।

केन्याका टाइरु चेगेले एक घण्टा १८ मिनेट १६ सेकेन्डमा पुरुष हाफ म्याराथन पूरा गरे । उनीभन्दा एक सेकेन्डले नेपालका सन्तोष विक्रम बिष्टभन्दा पछाडि  रहे। सन्ताेष गत वर्षका विजेता हुन् । चेगेले ५ किमि दाैड पनि जिते । सन्ताेषविक्रम ५ किमिमा पनि दाेस्राे नै भएका थिए । माल्दिभ्सका धावक सिफाज मोहम्मदले हाफ म्याराथनमा तेस्रो स्थान हासिल गरे ।

१० किमि खुलामा माल्दिभ्सका खेलाडीले उत्कृष्ट प्रदर्शन गरे । पुरुषतर्फ हुसेन फजिल हारुन र महिलातर्फ आइसाथ रिसमी विजयी भए। यी दुवै खेलाडीले ५ किलोमिटर विधामा पनि तेस्रो स्थान हासिल गरे । १० किलोमिटर मास्टर्स विधामा करिम माकोक र जारा रियाज विजयी भए भने हाफ म्याराथनकाे मास्टर्स विधामा असवान अली र हुस्ना मोहम्मदले पहिलो स्थान हात पारे ।

यो रेस एम्स र वर्ल्ड एथलेटिक्स मान्यताप्राप्त प्रतियोगिता हो । यस वर्ष चार विधा थपिएको थियो । विजेताका लागि कुल २ लाख ९६ हजार माल्दिभियन रुफिया नगद पुरस्कारको व्यवस्था गरिएको थियो ।

हाफ म्थाराथन विजेताले २५ हजार, रजतले १५ हजार र कांस्यले १० हजार एमभीआर पाएका थिए । ५ किमिका स्वर्ण विजेताले १० हजार रजतले ८ हजार र कांस्यले ६ हजार पाएका थिए । सन्ताेषीले दुवै विधामा गरी करिब २३ सय अमेरिकी डलर पुरस्कार जितिन् ।

ध्रुव तुलाधर दुई दशकभन्दा बढी समयदेखि पत्रकारिता गरिरहेका छन् । उनी हाल कान्तिपुर दैनिकको खेलकुद ब्युरोमा कार्यरत छन् ।

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Hamro Patro News
1w ago
अन्तर्राष्ट्रिय एस्ट्रोनोमी ओलम्पियाडमा नेपाललाई स्वर्ण पदक

अन्तर्राष्ट्रिय एस्ट्रोनोमी ओलम्पियाडमा नेपाललाई स्वर्ण पदक

काठमाडौँ । नेपाली विद्यार्थीले पाँचौँ अन्तर्राष्ट्रिय ओलम्पियाड अन एस्ट्रोनोमी एन्ड एस्ट्रोफिजिक्स– कनिष्ठतर्फ स्वर्ण पदक जितेका छन् । थाइल्यान्डको उबोन रात्चाथानीमा यही नोभेम्बर १ देखि ८ सम्म आयो...

#स्वर्ण #पदक
Compare →
Nagarik News
2w ago
सौराहा अन्तर्राष्ट्रिय तेक्वान्दोमा प्रस्तुत र दीक्षालाई स्वर्ण

सौराहा अन्तर्राष्ट्रिय तेक्वान्दोमा प्रस्तुत र दीक्षालाई स्वर्ण

चितवनको न्यु स्टार तेक्वान्दो डोजाङका प्रस्तुत आचार्यले प्रथम सौराहा अन्तर्राष्ट्रिय तेक्वान्दो च्याम्पियनसिपमा ग्योरोगीमा स्वर्ण पदक जितेका छन् ।

#स्वर्ण
Compare →

Related Stories

Sports
Build #2612