काठमाडौं । शिक्षा तथा खेलकुदमन्त्री सस्मित पोखरेलले नेपाली फुटबलमाथि अन्तर्राष्ट्रिय फुटबल महासंघ (फिफा) ले लगाएको निलम्बन फुकुवाको प्रक्रिया अघि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) का उच्च पदाधिकारीसँग छलफल गरेर स्वदेश फर्किएका मन्त्री पोखरेलले नेपाली फुटबलको समस्या समाधानका विषयमा दुवै संस्था सकारात्मक देखिएको जानकारी दिएका हुन् ।
मन्त्री पोखरेलका अनुसार फिफा र एएफसी नेपाली फुटबलको तहगत निर्वाचन गराउन सहमत भएका छन् । निर्वाचन कुन विधि र प्रक्रियाबाट गर्ने भन्ने विषयमा भने टुंगो लाग्न बाँकी छ । यसबारे फिफाले डिसेम्बरसम्ममा प्रस्तावसहितको रोडम्याप पठाउने उनले बताए ।
स्रोतमा पूरा पढ्नुहोस् ( kendrabindu.com )