प्रधानमन्त्री वालेन्द्र शाह र रास्वपा सभापति रवि लामिछानेबीच शुक्रबार तीन घण्टा छलफल भएको हो । प्रधानमन्त्रीको भारत भ्रमणबारे दुवै नेताबीच एक्ला-एक्लै छलफल भएको प्रधानमन्त्रीको सचिवालयले जानकारी दियो ।
काठमाडौँ — प्रधानमन्त्री वालेन्द्र शाहले आफ्नो भारत भ्रमणबारे राष्ट्रिय स्वतन्त्र पार्टीका सभापति रवि लामिछानेसँग भेटवार्ता गरेका छन् ।
प्रधानमन्त्रीको सचिवालयका अनुसार शाह र लामिछानेबीच तीन घण्टा छलफल भएको थियो । 'प्रधानमन्त्री र पार्टी सभापतिबीच शुक्रबार दिउँसो २ बजेदेखि ५ बजेसम्म छलफल भएको छ । भारत भ्रमणका सम्बन्धमा विस्तृत छलफल भएको हो,' प्रधानमन्त्रीको सचिवालयका एक सदस्यले कान्तिपुरसँग भने ।
प्रधानमन्त्रीसँग छलफल गर्न सभापति लामिछाने सिंहदरबारस्थित प्रधानमन्त्री तथा मन्त्रीपरिषद्को कार्यालय पुगेका थिए । भेटमा प्रधानमन्त्री शाह र सभापति लामिछाने मात्रै थिए ।
प्रधानमन्त्री शाह आइतबार भारत भ्रमणमा जाँदैछन् । भारतीय प्रधानमन्त्री नरेन्द्र मोदीको निमन्त्रणामा आइतबार भारत जान लागेका प्रधानमन्त्री शाह सोमबार स्वदेश फर्किने कार्यक्रम रहेको छ ।