एमाले अध्यक्ष केपी शर्मा ओलीले संविधानअनुसार पाँच वर्षमै निर्वाचन हुनुपर्नेमा जोड दिँदै निर्वाचनको तयारीमा जुट्न पनि एमालेबाट निर्वाचित जनप्रतिनिधिहरूलाई आग्रह गरे ।
काठमाडौँ — एमाले अध्यक्ष केपी शर्मा ओलीले वैशाख अन्तिममा स्थानीय तह र मंसिरमा प्रदेशसभा निर्वाचन हुुनुपर्ने बताएका छन् ।
काठमाडौंमा आयोजित एमालेबाट निर्वाचित जनप्रतिनिधिहरुको भेला उनले संविधानअनुसार पाँच वर्षमै निर्वाचन हुनुपर्नेमा जोड दिए । ‘संविधानअनुसार वैशाख अन्तिममा स्थानीय, मंसिरमा प्रदेशसभा निर्वाचन हुनुपर्छ,’ उनले भने, ‘संविधानले तोकेको समयमा निर्वाचन हुनुपर्छ । एक ठाउँमा संविधान मिचियो भने अर्को ठाउँमा मिचिन्छ ।’
उनले पालिका प्रमुख/उप्रमुखहरुलाई निर्वाचनको तयारीमा जुट्न पनि आग्रह गरे ।