काठमाडौंमा मात्र परीक्षा केन्द्र सीमित गर्ने नेपाल बार काउन्सिलको निर्णयलाई चुनौती दिँदै सातै प्रदेशका परीक्षार्थीहरू अदालत पुगेका हुन् ।
काठमाडौं — अधिवक्ता परीक्षाको केन्द्र सातै प्रदेशमा कायम गर्न माग गर्दै सर्वोच्च अदालतमा रिट दर्ता भएको छ । काठमाडौंमा मात्र परीक्षा केन्द्र सीमित गर्ने नेपाल बार काउन्सिलको निर्णयलाई चुनौती दिँदै सातै प्रदेशका परीक्षार्थीहरू अदालत पुगेका हुन् ।
उनीहरूले ३५औँ अधिवक्ता परीक्षाको परीक्षा केन्द्र सातै प्रदेशमा कायम गर्न माग गर्दै विहीबार रिट दर्ता गरेका हुन् । परीक्षार्थीहरूले रिटमा सबै प्रदेशमा परीक्षा केन्द्र कायम गर्न परमादेशको माग गरेका छन् ।
सर्वोच्च अदालतले रिट दर्ता गर्दै निवेदकहरूलाई ४ मंसिर विहान ९ बजे पेशी तारेखमा हाजिर हुन आउन भनेको छ ।