Trending
Prev Story
Next Story

दानबहादुर कार्कीको रिटमा सर्वोच्चद्वारा सरकारकाे नाममा कारणदेखाउ आदेश

Arthasansar •
November 18, 2026 • 11:05 AM
3
3 reads 0 reactions

निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध परेको रिटमा सर्वोच्च अदालतले कारण देखाउ आदेश जारी गरेको छ।...

दानबहादुर कार्कीको रिटमा सर्वोच्चद्वारा सरकारकाे नाममा कारणदेखाउ आदेश

निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध परेको रिटमा सर्वोच्च अदालतले कारण देखाउ आदेश जारी गरेको छ। साथै, कार्कीले माग गरेको अन्तरिम आदेशका विषयमा छलफल गर्न दुवै पक्षलाई बोलाउने आदेश पनि दिएको हो ।

न्यायाधीश श्रीकान्त पौडेलको एकल इजलासले बुधबार कार्कीको रिटमाथि सुनुवाइ गर्दै यस्तो आदेश दिएको हो। सर्वोच्चको आदेशसँगै नयाँ प्रहरी महानिरीक्षक डा. मनोजकुमार केसीलाई तत्कालका लागि काम गर्न बाटो खुलेको छ । कार्कीले आफूलाई प्रहरी महानिरीक्षक पदबाट हटाउने सरकारको निर्णय बदर गरी पुनर्बहालीको माग गर्दै गत कात्तिक २० गते सर्वोच्च अदालतमा रिट दायर गरेका थिए। आफूलाई सुनुवाइको मौका नदिई कुनै आधार र कारणबिना गैरकानुनी रूपमा पदबाट हटाइएको उनको दाबी छ ।

रिटमा कार्कीले मन्त्रिपरिषद्को निर्णय बदर गर्न माग गर्नुका साथै आफूलाई हटाएर डा. मनोजकुमार केसीलाई प्रहरी महानिरीक्षक नियुक्त गर्ने निर्णय कार्यान्वयन नगर्न अन्तरिम आदेश जारी गर्न माग गरेका थिए। मन्त्रिपरिषद्ले गत कात्तिक १८ गते कार्कीलाई आईजीपीबाट पदमुक्त गर्दै प्रधानमन्त्रीको विशेष सुरक्षा सल्लाहकार नियुक्त गर्ने निर्णय गरेको थियो। सोही दिन सरकारले केसीलाई नयाँ प्रहरी महानिरीक्षक नियुक्त गरेको थियो । सरकारले कार्कीका लागि सिंहदरबारस्थित प्रधानमन्त्री तथा मन्त्रिपरिषद्को कार्यालयमा कार्यकक्षसमेत तोकेको छ। तर, आफूले सरकारको निर्णयविरुद्ध अदालतमा रिट दायर गरिसकेको अवस्थामा अर्को नियुक्ति स्वीकार गर्ने प्रश्न नआउने कार्कीले बताउँदै आएका छन्।

यसअघि कात्तिक ३० गतेका लागि सुनुवाइको पेसी तोकिए पनि छठ पर्वका कारण सार्वजनिक बिदा परेपछि सुनुवाइ हुन सकेको थिएन । सर्वोच्चको पछिल्लो आदेशले सरकारको निर्णय बदर गरेको वा कार्कीलाई पुनर्बहाली गरेको भने होइन। अब सरकारको जवाफ र अन्तरिम आदेशसम्बन्धी छलफलपछि रिटमाथिको थप सुनुवाइ प्रक्रिया अघि बढ्नेछ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
39m ago
दानबहादुर कार्कीको रिटमा सर्वोच्चले दिएका तीन आदेश (आदेशसहित)

दानबहादुर कार्कीको रिटमा सर्वोच्चले दिएका तीन आदेश (आदेशसहित)

२ मंसिर, काठमाडौं । आफूलाई गैरकानूनी रूपमा आईजीपी पदबाट हटाइएको दाबीसहित दानबहादुर कार्कीले दिएको रिट निवेदनमा सर्वोच्च अदालतले प्रारम्भिक सुनुवाइपछि कारण देखाउ आदेश जारी गरेको छ । सर्वोच्च अदालतले कार्कीको माग बमोजिम ‘उनलाई किन आईजी पदमा …

#सर्वोच्च-अदालत #कार्की #आदेश
Compare →
Nagarik News
1h ago
दानबहादुर कार्कीको रिटमा सर्वोच्चले दिएन अल्पकालीन आदेश

दानबहादुर कार्कीको रिटमा सर्वोच्चले दिएन अल्पकालीन आदेश

सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीको पुनर्बहाली मागसम्बन्धी रिटमा अल्पकालीन अन्तरिम आदेश दिन अस्वीकार गरेको छ।

#सर्वोच्च-अदालत #कार्की #आदेश
Compare →
Hamro Patro News
3h ago
दानबहादुर कार्कीको रिटमा बहस सकियो, सर्वोच्चको आदेश आउन बाँकी

दानबहादुर कार्कीको रिटमा बहस सकियो, सर्वोच्चको आदेश आउन बाँकी

काठमाण्डु- प्रहरी महानिरीक्षक (आईजीपी) पदबाट हटाइएका दानबहादुर कार्कीले गत कात्तिक २० गते दायर गरेको रिट निवेदनमाथि सर्वोच्च अदालतमा बहस सकिएको छ । न्यायाधीश श्रीकान्त पौडेलको एकल इजलासमा बुधबार र...

#सर्वोच्च-अदालत #कार्की #रिट
Compare →
Ekantipur
7h ago
दानबहादुर कार्कीको रिट श्रीकान्त पौडेलको इजलासमा पेसी

दानबहादुर कार्कीको रिट श्रीकान्त पौडेलको इजलासमा पेसी

दानबहादुर कार्कीको रिट श्रीकान्त पौडेलको इजलासमा पेसी

#कार्की #रिट #दानबहादुर
Compare →
Bizshala
1d ago
आईजीपीबाट हटाइएका दानबहादुर कार्कीको रिटमा बुधबार सर्वोच्चमा प्रारम्भिक सुनुवाइ

आईजीपीबाट हटाइएका दानबहादुर कार्कीको रिटमा बुधबार सर्वोच्चमा प्रारम्भिक सुनुवाइ

काठमाण्डौ । प्रहरी महानिरीक्षक (आईजीपी) पदबाट हटाउने सरकारको निर्णयलाई चुनौती दिँदै सर्वोच्च अदालत पुगेका दानबहादुर...

#सर्वोच्च-अदालत #कार्की #दानबहादुर
Compare →

Related Stories

Politics & Governance
Build #2612