२ मंसिर, काठमाडौं । नेपाली कांग्रेसको देउवा समूहले नेपाली जनसम्पर्क समिति क्यानडाको संयोजकमा टोष्टराज कार्की (वसन्त) लाई मनोनयन गरेको छ ।
देउवा समूहको ‘१५औं केन्द्रीय महाधिवेशन तयारी समिति’का संयोजक डा. शशांक कोइरालाले कार्कीलाई संयोजकमा मनोनीत गरेका हुन् ।
यसअघि १२ कात्तिकमा संयोजक तोकिएका वीरेन्द्र राउतलाई हटाउँदै समितिका नेता–कार्यकर्ताहरूले १७ कात्तिकमा गरेको लिखित अनुरोधका आधारमा कार्कीलाई नयाँ संयोजकको जिम्मेवारी दिइएको पत्रमा उल्लेख छ ।
देउवा समूहको महाधिवेशन तयारी समितिका संयोजक कोइरालाद्वारा २६ कात्तिकमा दिइएको पत्रमा पार्टीका स्थापित मूल्य, मान्यता र आदर्शलाई आत्मसात् गर्दै संगठनलाई थप मजबुत बनाउने विश्वास व्यक्त गरिएको छ ।