Trending
Prev Story
Next Story

बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै

Onlinekhabar •
November 17, 2026 • 08:00 AM
3
3 reads 0 reactions

अमेरिकी राष्ट्रपति डोनाल्ड ट्रम्पका विशेष दूतहरू स्टिभ विटकफ र ज्यारेड कुश्नरले यसै साता युक्रेनी तथा युरोपेली अधिकारीहरूसँग भेटवार्ता गर्ने भएका छन् । युक्रेनका लागि दीर्घकालीन सुरक्षा ग्यारेन्टी र युद्धपछिको आर्थिक पुनर्निर्माण योजनामा काम गर्न वार्ता …

बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै

अमेरिकी राष्ट्रपति डोनाल्ड ट्रम्पका विशेष दूतहरू स्टिभ विटकफ र ज्यारेड कुश्नरले यसै साता युक्रेनी तथा युरोपेली अधिकारीहरूसँग भेटवार्ता गर्ने भएका छन् । युक्रेनका लागि दीर्घकालीन सुरक्षा ग्यारेन्टी र युद्धपछिको आर्थिक पुनर्निर्माण योजनामा काम गर्न वार्ता तय गरिएको हो ।

एक अमेरिकी अधिकारीका अनुसार, यो महत्त्वपूर्ण बैठक आगामी बिहीबार (नोभेम्बर १९) जर्मनीको राजधानी बर्लिनमा आयोजना हुँदै छ। विटकफ र कुश्नरले युरोपका लागि युद्धपछिको सुरक्षा ढाँचा प्रस्ताव गर्न रुसलाई आग्रह गरेको ठीक एक हप्तापछि बर्लिनमा यो बैठक हुन लागेको हो।

रोचक संयोग के छ भने, बर्लिनमा वार्ता भइरहेकै दिन बिहीबार चीनको सेन्जेनमा राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिन र चिनियाँ राष्ट्रपति सी चिनफिङसँग त्रिपक्षीय भेटवार्ता गर्दै छन्। ट्रम्पले सोमबार उक्त भेटमा युक्रेन युद्ध अन्त्यका विषयमा समेत छलफल हुने अपेक्षा गरेको बताएका छन्।

बर्लिन बैठकको मुख्य एजेन्डा र समन्वयात्मक कूटनीति

अमेरिकी अधिकारीका अनुसार बर्लिन बैठकको मुख्य उद्देश्य भविष्यमा रुसबाट हुन सक्ने सम्भावित आक्रमणहरूलाई रोक्न युक्रेनका लागि ठोस सुरक्षा ग्यारेन्टी विकास गर्नु र युद्धले ध्वस्त पारेको युक्रेनी अर्थतन्त्र पुनर्निर्माण गर्ने योजना तयार पार्नु हो।

ट्रम्पका सहयोगीहरूले मस्कोसँग प्रत्यक्ष संवाद गरिरहँदा सँगसँगै युक्रेनी र युरोपेली अधिकारीहरूसँग पनि नियमित सम्पर्क कायम राखेका छन्। अमेरिकी अधिकारीले बर्लिन बैठक र राष्ट्रपति ट्रम्पको चीन भ्रमणलाई एक ‘समन्वयात्मक कूटनीतिक प्रयास’का रूपमा व्याख्या गरेका छन्।

राष्ट्रपति ट्रम्पसँगै चीन भ्रमणमा सहभागी हुने विदेशमन्त्री मार्को रुबियो, अर्थमन्त्री स्कट बेसेन्ट र ह्वाइट हाउसका चिफ अफ स्टाफ स्टिफन मिलरलाई युक्रेन शान्ति वार्ताबारे विस्तृत ब्रिफिङ दिइसकिएको छ।

मस्को संवाद, डिजेल प्रतिबन्धमा सहुलियत र युरोपेली आशङ्का गत बिहीबार मात्र विटकफ र कुश्नरले मस्कोमा रुसी राष्ट्रपति भ्लादिमिर पुटिनसँग प्रत्यक्ष भेटवार्ता गरेका थिए। साथै, सोमबार उनीहरूले युद्ध वार्ताका आगामी चरणहरूबारे पुटिनका विदेश नीति सल्लाहकार युरी उशाकोभसँग टेलिफोन संवाद गरेका छन्।

अमेरिकाले तनाव कम गर्ने कदमहरू समेटिएको युरोपेली सुरक्षा प्रस्ताव पेस गर्न रुससँग आग्रह गरेको थियो। यद्यपि, रुसले कुनै पनि सम्झौताको पालना गर्छ भन्नेमा धेरै युरोपेली सरकारहरू अत्यन्तै सशङ्कित छन्।

यसै महिनाको सुरुमा अमेरिकाले रुसी डिजेलमाथिको प्रतिबन्ध खुकुलो पार्दा मस्कोबाट केही सहुलियत मिल्ने आशा राखेको थियो । तर पुटिनले अझै पनि युद्धविरामको प्रस्तावलाई अस्वीकार गर्दै आएका छन्।

शान्ति वार्तामा युरोपको प्रत्यक्ष सहभागिताबारे मस्को र वासिङ्टनबिच मतभेद युद्ध समाधानका लागि हुने प्रत्यक्ष वार्तामा युरोपेली राष्ट्रहरू रुससँगै एउटै टेबुलमा सहभागी हुन्छन् वा हुँदैनन् भन्ने प्रश्न अझै अनुत्तरित र विवादित छ।

विटकफ र कुश्नरले वार्ताको टेबुलमा युरोपलाई पनि स्थान दिन रुस सहमत भएको दाबी गरेका छन्। तर, सोमबार क्रेमलिनका सल्लाहकार युरी उशाकोभले युरोपको सहभागिताबारे त्यस्तो कुनै सहमति नभएको भन्दै अमेरिकी दाबीको खण्डन गरेका छन्।

युक्रेनी राष्ट्रपति भोलोदिमिर जेलेन्स्कीले सोमबार सामाजिक सञ्जाल टेलिग्राममार्फत फ्रान्स, जर्मनी, बेलायत, इटाली, पोल्यान्ड, युरोपेली युनियन (ईयू) र नेटोका प्रतिनिधिहरू सम्मिलित युरोपेली टोलीले रुससँगको वार्तामा युरोपको प्रतिनिधित्व गर्ने स्पष्ट पारेका छन्। बिहीबार बर्लिनमा ‘कोअलिसन अफ द विलिङ’को ढाँचाभित्र हुने बैठकले रुससँगको आगामी वार्ताका ठोस संयुक्त कदमहरू तय गर्ने अपेक्षा गरिएको छ। एक्सियोसबाट

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
1d ago
युक्रेनमा इन्टरनेट सेवा सुस्त, प्रतिबन्ध हटाउन अमेरिका र मस्कसँग जेलेन्स्कीको आग्रह

युक्रेनमा इन्टरनेट सेवा सुस्त, प्रतिबन्ध हटाउन अमेरिका र मस्कसँग जेलेन्स्कीको आग्रह

काठमाडौं । युक्रेनका राष्ट्रपति भोलोदिमिर जेलेन्स्कीले अमेरिकी सरकार र एलन मस्कसँग युक्रेनको सुरक्षा सुनिश्चित गर्न...

#युक्रेन #अमेरिकी
Compare →
Hamro Patro News
2d ago
रुस–युक्रेन युद्ध अन्त्यका लागि अमेरिकी कूटनीतिक प्रयास तीव्र

रुस–युक्रेन युद्ध अन्त्यका लागि अमेरिकी कूटनीतिक प्रयास तीव्र

रुस–युक्रेन युद्ध अन्त्य गर्ने उद्देश्यले अमेरिकाले कूटनीतिक प्रयास तीव्र बनाएको छ । अमेरिकी विशेष दूत जेरेड कुसनरले रुस र युरोपेली देशहरूबिच प्रत्यक्ष संवाद गराउने तथा रुस, युक्रेन र अमेरिकाबिच त्...

#युक्रेन #अमेरिकी
Compare →
Nagarik News
4d ago
पुटिनको अडानपछि रूस-युक्रेन शान्ति वार्तामा नयाँ ट्विस्ट : युरोपको भूमिका के हुन्छ ?

पुटिनको अडानपछि रूस-युक्रेन शान्ति वार्तामा नयाँ ट्विस्ट : युरोपको भूमिका के हुन्छ ?

अमेरिकी राष्ट्रपति डोनाल्ड ट्रम्पका विशेष दूत स्टिभ विटकफले रूसी राष्ट्रपति भ्लादिमिर पुटिनसँगको भेटपछि आगामी चरणको वार्तामा युरोपेली प्रतिनिधिहरू सहभागी हुने जानकारी दिएका हुन्।

#अमेरिकी #विटकफ #युक्रेन
Compare →
Ekantipur
1d ago
दानबहादुर कार्कीले विशेष सुरक्षा सल्लाहकारको नियुक्तिपत्र बुझेका हुन् ?

दानबहादुर कार्कीले विशेष सुरक्षा सल्लाहकारको नियुक्तिपत्र बुझेका हुन् ?

कार्की निकटस्थहरूका अनुसार निवर्तमान आईजीपी कार्कीले नियुक्तिपत्र बुझेका छैनन् । तर आईजीपीका रूपमा प्रहरी प्रधान कार्यालयबाट बाहिरिनुअघि सरकारले गरेको निर्णयको पत्र भने लिएका हुन् ।

#सुरक्षा
Compare →
Arthasansar
3d ago
रुसको राजधानी मस्कोमा कार बम विस्फोट, युक्रेनका पूर्वप्रधानमन्त्रीका सल्लाहकार घाइते

रुसको राजधानी मस्कोमा कार बम विस्फोट, युक्रेनका पूर्वप्रधानमन्त्रीका सल्लाहकार घाइते

रुसको राजधानी मस्कोमा भएको कार बम विस्फोटमा युक्रेनका पूर्वप्रधानमन्त्री माइकोला अजारोभका सल्लाहकार सर्गेई जाभोरोत्नी घाइते भएका छन्। रुसको अनुसन्धान समितिका...

#युक्रेन
Compare →

Related Stories

World News
Build #2612