Trending
Prev Story
Next Story

टी-२० विश्वकप २०२८ को छनोटमा १६ टोली भिड्ने, ८ टोली हुनेछन् छनोट

Onlinekhabar •
November 16, 2026 • 06:31 AM
4
4 reads 0 reactions 4 comments

३० कात्तिक, काठमाडौं । आईसीसी पुरुष टी–२० विश्वकप २०२८ को छनोट प्रतियोगितामा १६ टोलीले प्रतिस्पर्धा गर्ने भएका छन्। सन् २०२८ को पहिलो त्रैमासिकमा आयोजना हुने ग्लोबल छनोटबाट आठ टोलीले सोझै विश्वकपमा स्थान बनाउनेछन्। छनोट प्रतियोगितामा चार …

टी-२० विश्वकप २०२८ को छनोटमा १६ टोली भिड्ने, ८ टोली हुनेछन् छनोट

३० कात्तिक, काठमाडौं । आईसीसी पुरुष टी–२० विश्वकप २०२८ को छनोट प्रतियोगितामा १६ टोलीले प्रतिस्पर्धा गर्ने भएका छन्। सन् २०२८ को पहिलो त्रैमासिकमा आयोजना हुने ग्लोबल छनोटबाट आठ टोलीले सोझै विश्वकपमा स्थान बनाउनेछन्।

छनोट प्रतियोगितामा चार समूहमा चार–चार टोली रहनेछन्। समूह चरणपछि क्वार्टरफाइनल, सेमिफाइनल र फाइनलका खेल हुनेछन्। प्रतियोगितामा कुल ३१ खेल खेलाइनेछ।

आठ टोलीको छनोटमा क्षेत्रीय प्रतिनिधित्वलाई प्राथमिकता दिइनेछ। प्रत्येक क्षेत्रबाट उत्कृष्ट स्थान हासिल गर्ने टोलीले न्यूनतम प्रदर्शनसम्बन्धी मापदण्ड पूरा गरेको अवस्थामा विश्वकपमा स्थान बनाउनेछ। बाँकी स्थान समग्र वरीयताका आधारमा टोलीहरूलाई दिइनेछ।

सेमिफाइनल पुग्ने चारै टोली विश्वकपमा छनोट हुनेछन्। क्वार्टरफाइनलमा पराजित हुने चार टोलीलाई समूहमा प्राप्त स्थान, अंक, जित संख्या र नेट रनरेटका आधारमा पाँचौंदेखि आठौं स्थानसम्मको वरीयता दिइनेछ।

समूहमा तेस्रो हुने टोलीलाई पनि यही आधारमा नवौंदेखि १२औं स्थानसम्म राखिनेछ। समूहमा चौथो हुने टोली भने छनोट प्रक्रियाबाट बाहिरिनेछ।

क्षेत्रीय प्रतिनिधित्वको हिसाब गर्दा प्रतियोगिताको अन्तिम वरीयतालाई आधार मानिनेछ। कुनै क्षेत्रको उत्कृष्ट टोली सेमिफाइनल पुगेको वा क्वार्टरफाइनलमा पराजित हुँदै पाँचौंदेखि आठौं स्थानमा रहेको अवस्थामा उक्त क्षेत्रको प्रतिनिधित्व पूरा भएको मानिनेछ।

तर, कुनै क्षेत्रको उत्कृष्ट टोली समूहमा तेस्रो हुँदै नवौंदेखि १२औं स्थानमा रहेमा उसले पाँचौंदेखि आठौं स्थानमा रहेका र आफ्नो क्षेत्रको उत्कृष्ट टोली नभएका मध्ये सबैभन्दा तल्लो वरीयताको टोलीको स्थान लिनेछ।

सबै योग्य क्षेत्रको प्रतिनिधित्व सुनिश्चित भएपछि बाँकी स्थान क्वार्टरफाइनलमा पराजित भएका अन्य उच्च वरीयताका टोलीलाई दिइनेछ।

नेपालले टी-२० विश्वकपको ग्लोबल छनोट खेल्ने कुरा यसअघि नै सार्वजनिक भइसकेको छ ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Hamro Patro News
1d ago
लागूऔषध सहित देशका विभिन्न स्थानबाट ९ जना पक्राउ

लागूऔषध सहित देशका विभिन्न स्थानबाट ९ जना पक्राउ

२८ कात्तिक, काठमाडौं । देशका विभिन्न स्थानबाट लागूऔषधसहित ९ जना पक्राउ परेका छन् । सुनसरी, धनुषा, सुर्खेत र कञ्चनपुरका विभिन्न ठाउँबाट ९ जनालाई पक्राउ गरिएको नेपाल प्रहरीको केन्द्रीय समाचार कक्षले...

#स्थान #कात्तिक
Compare →
Ekantipur
2d ago
क्यानको मान्यता पाँच जिल्लालाई, क्रिकेटको कोसी छनोटमा नौ जिल्ला सहभागी

क्यानको मान्यता पाँच जिल्लालाई, क्रिकेटको कोसी छनोटमा नौ जिल्ला सहभागी

क्यानको मान्यता प्राप्त जिल्लाभन्दा बाहिरका चार जिल्लासमेत सहभागी भएपछि यसपटकको छनोट प्रतियोगिताले प्रदेशमा क्रिकेटको विस्तार र सहभागिताको दायरा बढेको संकेत गरेको छ ।

#छनोट
Compare →
Nagarik News
3d ago
यू-१७ विश्वकप कतारमा हुने, सुरक्षा कारण देखाउँदै अमेरिका नखेल्ने

यू-१७ विश्वकप कतारमा हुने, सुरक्षा कारण देखाउँदै अमेरिका नखेल्ने

अमेरिकाले सुरक्षा कारण देखाउँदै आफ्नो टोली फिर्ता बोलाए पनि कतारमा आयोजना हुने फिफा यू–१७ विश्वकप निर्धारित मितिमै सुरु हुने भएको छ।

#विश्वकप
Compare →

Related Stories

Sports
Build #2612