Trending
Prev Story
Next Story

छठमा जातीय विभेद गर्नेलाई कारबाही गर्न राप्रपा प्रमुख सचेतक ओलीको माग

Nagarik News •
November 16, 2026 • 02:41 AM
3
3 reads 0 reactions

राष्ट्रिय प्रजातन्त्र पार्टी (राप्रपा) की प्रमुख सचेतक खुश्बु ओलीले छठ पर्वका क्रममा जातका आधारमा घाट र पण्डाल छुट्याएर विभेद गर्नेहरूलाई कानुनी कारबाही गर्न माग गरेकी छन्।

छठमा जातीय विभेद गर्नेलाई कारबाही गर्न राप्रपा प्रमुख सचेतक ओलीको माग

राष्ट्रिय प्रजातन्त्र पार्टी (राप्रपा) की प्रमुख सचेतक खुश्बु ओलीले छठ पर्वका क्रममा जातका आधारमा घाट र पण्डाल छुट्याएर विभेद गर्नेहरूलाई कानुनी कारबाही गर्न माग गरेकी छन्।

उनले सनातन धर्मले कुनै जात वा थरका आधारमा मानिसलाई ठूलो–सानो नमान्ने उल्लेख गर्दै उक्त माग गरेकी हुन्। उनले धर्म र परम्पराको नाममा जातीय विभेद स्वीकार गर्न नसकिने बताइन्।

'सनातन धर्मले कुनै जात चिन्दैन, कुनै थरका आधारमा मानिसलाई ठूलो वा सानो ठान्दैन। हाम्रो धर्मको मूल भावना समभाव, सहअस्तित्व र मानव मर्यादा हो। त्यसैले धर्म र परम्पराको नाममा जातीय विभेदलाई कुनै पनि हालतमा स्वीकार गर्न सकिँदैन,' सामाजिक सञ्जालमा उनले लेखेकी छन्।

छठ पर्व आस्था, श्रद्धा, समर्पण र समानताको पर्व भएको उल्लेख गर्दै ओलीले एउटै पोखरीमा सूर्यलाई अर्घ्य दिँदासमेत जातका आधारमा छुट्टाछुट्टै घाट र पण्डाल बनाइनु लज्जास्पद, अमानवीय र निन्दनीय व्यवहार भएको टिप्पणी गरेकी छन्।

'छठ पर्व आस्था, श्रद्धा, समर्पण र समानताको पर्व हो। सूर्य सबैका हुन्, छठी माता सबैकी हुन्। तर एउटै पोखरीमा सूर्यलाई अर्घ्य दिँदासमेत जातका आधारमा छुट्टाछुट्टै घाट र पण्डाल बनाइनु अत्यन्तै लज्जास्पद, अमानवीय र निन्दनीय व्यवहार हो,' उनले भनिन्।

ओलीले जातका आधारमा छठ घाटमा विभेद गर्ने, सार्वजनिक जलाशयमा समान धार्मिक सहभागिताबाट कसैलाई वञ्चित गर्ने तथा यस्तो व्यवहारलाई संरक्षण गर्ने जोकोहीलाई कानुनी दायरामा ल्याएर कारबाही गर्न माग गरेकी छन्।

यस विषयमा सम्बन्धित स्थानीय तह, प्रशासन र प्रहरीको तत्काल ध्यानाकर्षण गराउँदै ओलीले भनेकी छन्, 'विभेद हाम्रो शास्त्रले होइन, व्यक्तिको मानसिकताले हुन्छ।'

प्रकाशित: ३० कार्तिक २०८३ ०८:२६ सोमबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Hamro Patro News
2d ago
‘२१औँ शताब्दीमा पनि जातीय विभेद कायम रहनु दुःखद’

‘२१औँ शताब्दीमा पनि जातीय विभेद कायम रहनु दुःखद’

जेनजी अभियन्ता मिराज ढुंगानाले जातीय विभेद तथा छुवाछूतविरुद्ध लामो समयदेखि प्रदर्शन भइरहँदा पनि सरकारले वार्ता र समस्या समाधानका लागि कुनै प्रभावकारी पहल नगरेको भन्दै आलोचना गरेका छन्। ‘सरकार, कोठ...

#विभेद #जातीय
Compare →
Ekantipur
13h ago
साझा पर्वमै विभेद, छठमा जातअनुसारका घाट र पण्डाल

साझा पर्वमै विभेद, छठमा जातअनुसारका घाट र पण्डाल

दलित समुदायका व्यक्ति भन्छन्, ‘बाँसको चोयाबाट हामीले बनाएको ढाकी, छिटी, नाङलोमा राखेर फलफूल, मिठाईलगायत सामग्री भगवान्लाई चढाउँछन् तर हामीसँग विभेद गरेको देख्दा मन भक्कानिएर आउँछ’

#विभेद #छठमा
Compare →
Onlinekhabar
1d ago
जातीय विभेदले पढाइ रोक्यो, गरिबीले खोस्दैछ छात्रवृत्ति

जातीय विभेदले पढाइ रोक्यो, गरिबीले खोस्दैछ छात्रवृत्ति

छात्रवृत्तिमा नाम निकाल्नु एउटा विद्यार्थीका लागि जीवनभरका सबै सपना पूरा हुनु होइन। तर, समाजमा अभावले कष्टकर जीवन भोग्न बाध्य र अक्षरज्ञानबाट समेत टाढा पारिएको समुदायका लागि यो अवसर ठूलो वरदान हो। त्यही अवसर सामान्य खानपान, …

#जातीय #विभेद
Compare →

Related Stories

Politics & Governance
Build #2612