काठमाडौँ । जल तथा मौसम विज्ञान विभागले आगामी २४ घण्टा देशका केही हिमाली तथा पहाडी भूभागमा हल्का वर्षा र हिमपातको सम्भावना रहेको जनाएको छ । शनिबार मौसमसम्बन्धी जानकारी दिँदै मौसमविद् निष्ठा निरौलाले विगत २४ घण्टामा देशभर कतै पनि वर्षा रेकर्ड नभएको बताइन् ।
उनका अनुसार हाल देशको हिमाली भूभागमा आंशिक बदली रहेको छ भने तराई, उपत्यका तथा खोँचहरूमा हुस्सु लागिरहेको छ। आज दिउँसो देशको हिमाली भूभागका साथै कोशी, बागमती र गण्डकी प्रदेशको पहाडी क्षेत्रका एक–दुई स्थान अर्थात् करिब १० प्रतिशत भूभागमा हल्का वर्षा वा हिमपातको सम्भावना छ। बाँकी अन्य भूभागमा भने मौसम मुख्यतया सफा रहने विभागले जनाएको छ।
Read full story at source ( ratopati.com )
