एजेन्सी । अमेरिकाका लागि रुसी राजदूत अलेक्ज्याण्डर डार्चिएभको ६६ वर्षको उमेरमा रुसको राजधानी मस्कोमा निधन भएको छ। रुसी विदेश मन्त्रालयले बुधबार एक औपचारिक विज्ञप्ति जारी गर्दै उनको एक्कासि निधन भएको पुष्टि गरेको हो। विदेश मन्त्रालयकी प्रवक्ता मारिया जाखारोभाका अनुसार डार्चिएभ लामो समयदेखि दीर्घरोगसँग जुधिरहेका थिए र सोही रोगको उपचारका लागि उनी वासिङ्टन डीसीस्थित दूतावासको कार्यभार छाडेर मस्को फर्किएका थिए।
रुसी विदेश मन्त्रालयले उनलाई एक असाधारण पेशेवर कूटनीतिज्ञका रूपमा स्मरण गर्दै उनले रुसी विदेश नीतिको सबैभन्दा चुनौतीपूर्ण क्षेत्रमा महत्वपूर्ण योगदान पुर्याएको जनाएको छ। मन्त्रालयले शोकाकुल परिवार र आफन्तजनप्रति गहिरो समवेदनासमेत व्यक्त गरेको छ। यता अमेरिकी विदेश मन्त्रालयका एक प्रवक्ताले पनि डार्चिएभको निधनप्रति दुःख व्यक्त गर्दै उनको परिवारजनमा समवेदना प्रकट गरेका छन्।
Read full story at source ( nepalviews.com )
