अब लाइनमा बस्न नपर्ने, सिभिल हस्पिटलको अपोइन्टमेन्ट घरबाटै

काठमाडौं । निजामती कर्मचारी अस्पताल (सिभिल हस्पिटल) ले बिरामीलाई घरबाटै ओपीडी टिकट लिन सकिने अनलाइन अपोइन्टमेन्ट सेवा सुरु गरेको छ। अस्पतालले सामाजिक सञ्जालमार्फत नयाँ सेवा सञ्चालनमा ल्याएको जानकारी दिँदै अब बिरामीले घरमै बसेर सात दिनअघिसम्मको अपोइन्टमेन्ट बुक गर्न र आफूले चाहेको चिकित्सकसँग जाँच गराउने पालो सुरक्षित गर्न सक्ने जनाएको छ।

नयाँ सेवाबाट अस्पताल पुगेर टिकट लिन लामो समय लाइनमा बस्नुपर्ने झन्झट कम हुने अपेक्षा गरिएको छ। यसअघि मिडासले विकास गरेको ‘सिभिल सर्भिस हस्पिटल नेपाल’ एपमा भने अनलाइन अपोइन्टमेन्ट बुकिङको सुविधा उपलब्ध थिएन।

Read full story at source ( kendrabindu.com )