अनलाइनखबर २०८३ कात्तिक २३ गते १२:३३
तिहारमा देउसी खेल्ने घर घरमा आइरहेका होलान् । भाइटिकाको लागि रंगी-बिरंगी टीका सामग्रीदेखि सेलरोटी र अनर्सासम्म पकाउने मेलोमेसो हुँदै होला ।
यी सबैकाबीच युवाहरु भने तिहारको माहोललाई रोमाञ्चक बनाउने पटकाको जोहो गर्नमा जुटेका छन् । यद्यपि, तिहारमा पटाका पड्काउनु जिउ-ज्यानकै जोखिम हुुने भन्दै सरकारले हरेक वर्ष तिहारमा पटाका पड्काउन समेत निषेध गर्दै आएको छ ।
किनकि, पटाकामा हानिकारक रसायनहरुको प्रयोग गरिएको हुन्छ । मध्यरातसम्म पटाका पड्काउँदा त्यसले हाम्रो पर्यावरणलाई नै हानि पुर्याउँछ । अरु के जोखिम हुनसक्छन् त ?
पटाकाको आवाज र उज्यालोले घरपालुवा जनावर, चराचुरुंगी र अन्य वन्यजन्तुहरू त्रसित हुन्छन् । खासरगरी कुकुरको संवेदनशील कानले ठूलो आवाज सहन सक्दैन, जसले गर्दा उनीहरू भाग्ने र लुक्ने प्रयास गर्छन् । यिनीहरू त्रसित र आक्रमक हुनसक्छन् ।
गलत तरिकाले पटाका पड्काउँदा हात, आँखा वा शरीरका अन्य भागमा जल्ने वा गम्भीर चोट लाग्न सक्छ। यसलाई नियन्त्रण गर्नुपर्छ किनभने यस्ता चोटले स्थायी अशक्तता वा दृष्टि गुम्ने जोखिम हुन्छ।
पटाकाको ठूलो आवाजले कानमा समस्या, तनाव वा साना बालबालिका र वृद्धवृद्धालाई डर उत्पन्न गर्छ। यसलाई रोक्नु जरूरी छ, किनभने यसले मानसिक स्वास्थ्यमा नकारात्मक असर पार्छ र समुदायमा अशान्ति फैलाउँछ।
पटाकाबाट निस्कने धुवाँ र रसायनले वायु प्रदूषण बढाउँछ, जसले श्वासप्रश्वाससम्बन्धी रोगहरू निम्त्याउँछ। यो रोक्नु आवश्यक छ किनभने स्वच्छ हावाको अभावमा दीर्घकालीन स्वास्थ्य समस्याहरू बढ्छन्।
पटाकाले सल्कने आगोले घर, कपडा वा वरपरका सामानहरूमा आगलागी हुन सक्छ। त्यसैले, यसलाई रोक्नु आवश्यक छ किनभने यसले ठूलो सम्पत्ति नष्ट गर्नुका साथै मानवीय क्षति पनि निम्त्याउन सक्छ।
