काठमाडौंमा शनिबार आयोजित कार्यक्रममा दाहालले सरकारको कामकारबाही सही ढंगमा अघि नबढेको चर्चा गरे ।
काठमाडौँ — नेपाली कम्युनिस्ट पार्टीका संयोजक पुष्पकमल दाहालले वर्तमान सरकारको काम हिन्दी जासुसी फिल्म जस्तो देखिएको टिप्पणी गरेका छन् । काठमाडौंमा शनिबार आयोजित कार्यक्रममा दाहालले सरकारको कामकारबाही सही ढंगमा अघि नबढेको चर्चा गरे । उनले भने – 'हिन्दी जासुसी फिल्म हेर्नुभयो होला, विचित्र–विचित्र हुँदै नहुने काम भएको देखाउँछन्, सरकारको काम गराइ त्यस्तै छ । कतिबेला कुन पत्रकार समातिने हो, कुनमाथि हमला हुने हो, कर्मचारी र नेतामाथि के हुने हो जस्तो अवस्था सिर्जना भएको छ ।’
गणतन्त्र र संघीयता पक्षधरलाई बदमास र अपराधी चित्रण गरिएको भन्दै दाहालले आपत्तिसमेत जनाएका थिए । आफू प्रधानमन्त्री हुँदा भ्रष्टाचारकाविरुद्ध अभियान चलाउँदा सरकारलाई अपदस्थ गरिएको उनको दाबी थियो । विगत ३५ वर्षमा देशमा केही नभएको गलत भाष्य चलाइएको दाहालले टिप्पणी गरे ।
