सबिर श्रेष्ठ निर्देशित फिल्मको टिजरमा रेखा थापा प्रहरीको आवरणमा देखिएकी छन् भने कथा आमासँगको संघर्षमा केन्द्रित रहेको संकेत गरिएको छ ।
काठमाडौँ — अभिनेत्री रेखा थापाको फिल्म ‘३६को आँकडा’ को टिजर सार्वजनिक भएको छ । सबिर श्रेष्ठ निर्देशित यो फिल्मको टिजर शुक्रबार युट्युब च्यानलमार्फत सार्वजनिक भएको हो ।
टिजरको दृश्यमा रेखा प्रहरीको आवरणमा देखिन्छिन् । टिजरमा रेखाले निर्वाह गरिरहेको पात्रको लडाइँ आमासँग भएको अनुमान गर्न सकिन्छ ।
फिल्ममा रेखासँगै अभिनेता महेश त्रिपाठी, पुष्प खड्का, अभिनेत्री पूजा शर्मा र निरुता सिंहको मुख्य भूमिका छ ।
आगामी मंसिर १७ गतेबाट प्रदर्शनमा आउने यो फिल्म रेखा फिल्मस्ले निर्माण गरेको हो । यसअघि फिल्मको ‘बौलाउँछु कि क्या हो’ गीत सार्वजनिक गरिएको थियो ।
पारिवारिक कथामा बनेको यो फिल्मको छायांकन अघिल्लो वर्ष गरिएको थियो ।
