अन्तर्राष्ट्रिय पञ्चाङ्ग निर्णय समितिले २०८३ सालको तिहार अन्तर्गत विभिन्न देशहरूमा मनाइने भाइटिकाको शुभ साइत सार्वजनिक गरेको छ।
समितिका अनुसार नेपालमा कात्तिक २५ गते बिहान ११:०७ बजे भाइटिकाको उत्तम साइत जुरेको छ।
बुधबार बसेको समितिको बैठकले विभिन्न मुलुकमा बसोबास गर्ने सनातन धर्मावलम्बीहरूका लागि तिथ्यादिको स्थानीय मान र समयअनुसार शुभ साइत निर्धारण गरेको हो।
समितिले सार्वजनिक गरेको विवरणअनुसार विभिन्न देश र सहरमा भाइटिकाको शुभ साइत निम्न समयमा रहेको छ।
काठमाडौँ, नेपाल : २५ कात्तिक २०८३, बिहान ११:०७ बजे
देहली, भारत : ११ नोभेम्बर २०२६, बिहान ११:२१ बजे
थिम्पु, भुटान : ११ नोभेम्बर २०२६, बिहान ११:०५ बजे
अमेरिका र क्यानाडा (१० नोभेम्बर २०२६)
न्युयोर्क, अमेरिका : बिहान ११:२५ बजे
वासिङ्टन डि.सी., अमेरिका : बिहान ११:३३ बजे
क्यालिफोर्निया, अमेरिका : बिहान ११:०५ बजे
केन्टुकी (फ्य्राङ्कफर्ट), अमेरिका : बिहान ११:२३ बजे
केन्टुकी (ओभेन्सवोरो), अमेरिका : बिहान ११:१३ बजे
टोरन्टो, क्यानाडा : बिहान ११:५७ बजे
भ्यानकुभर, क्यानाडा : बिहान ११:५५ बजे
जेनेभा, स्वीट्जरल्यान्ड : बिहान ११:४५ बजे
अस्ट्रेलिया र न्युजिल्यान्ड (११ नोभेम्बर २०२६)
वेलिङ्गटन, न्युजिल्यान्ड : बिहान ११:५५ बजे
सिड्नी, अस्ट्रेलिया : बिहान ११:४५ बजे
मेलबर्न, अस्ट्रेलिया : बिहान ११:५५ बजे
क्यानवेरा, अस्ट्रेलिया : बिहान ११:२१ बजे
ब्रिसवेन, अस्ट्रेलिया : बिहान १०:५५ बजे
एडिलेड, अस्ट्रेलिया : बिहान ११:२९ बजे
पर्थ, अस्ट्रेलिया : बिहान ११:११ बजे
डार्विन, अस्ट्रेलिया : बिहान १०:४५ बजे
तास्मानिया, अस्ट्रेलिया : बिहान ११:०३ बजे
एसिया तथा खाडी मुलुक (११ नोभेम्बर २०२६)
सियोल, दक्षिण कोरिया : बिहान ११:५५ बजे
क्वालालम्पुर, मलेसिया : बिहान ११:३३ बजे
बैंकक, थाइल्यान्ड : बिहान १०:५७ बजे
याङ्गुन, म्यानमार : बिहान ११:५७ बजे
तेल अभिव, इजरायल : १० नोभेम्बर, बिहान ११:०१ बजे
समितिका सभापति प्रा.डा. माधव भट्टराई र सदस्य सचिव श्रीकेश कौशिकद्वारा जारी विज्ञप्तिमा उल्लेखित समय टिकाका लागि सबैभन्दा उपयुक्त भए पनि सो दिन आफ्नो अनुकूल समयमा समेत टिका लगाउन सकिने बताइएको छ।
प्रकाशित: १८ कार्तिक २०८३ २०:२५ बुधबार
