पछिल्लो समय न्यायालयमा बिचौलियाको प्रभाव, सञ्चारगृहमा प्रहरी प्रवेश गरी पत्रकार पक्राउ गरिएको घटना तथा सरकारका विभिन्न निर्णयलाई लिएर सार्वजनिक रूपमा प्रश्न उठिरहेका बेला कांग्रेसले आफ्नो दृष्टिकोण सार्वजनिक गर्न लागेको हो ।
काठमाडौँ — कांग्रेसले समसामयिक राजनीतिक तथा सार्वजनिक चासोका विषयमा पार्टीको आधिकारिक धारणा सार्वजनिक गर्ने भएको छ । त्यसअघि बुधबार पार्टी पदाधिकारी बैठक बसेको थियो । बैठकमा पछिल्ला राजनीतिक घटनाक्रम र सरकारका कामकारबाहीबारे छलफल भएको छ ।
कांग्रेस सहमहामन्त्री प्रकाश रसाइली स्नेहीका अनुसार प्रहरी महानिरीक्षक (आईजीपी) को बर्खास्तीदेखि न्यायालयमा बिचौलियाको संलग्नता सार्वजनिक भएको घटनासम्मका विषयमा पार्टीले धारणा सार्वजनिक गर्न लागेको हो ।
पछिल्लो समय न्यायालयमा बिचौलियाको प्रभाव, सञ्चारगृहमा प्रहरी प्रवेश गरी पत्रकार पक्राउ गरिएको घटना तथा सरकारका विभिन्न निर्णयलाई लिएर सार्वजनिक रूपमा प्रश्न उठिरहेका बेला कांग्रेसले आफ्नो दृष्टिकोण सार्वजनिक गर्न लागेको हो ।
पार्टीका वरिष्ठ उपसभापति विश्वप्रकाश शर्माले पदाधिकारी बैठकपछि पार्टीका तर्फबाट समसामयिक घटनाक्रमबारे धारणा सार्वजनिक गर्ने तयारी गरेका छन् । उक्त धारणामार्फत कांग्रेसले पछिल्ला घटनाक्रम र सरकारका कामकारबाहीप्रति आफ्नो दृष्टिकोण स्पष्ट पार्ने स्नेहीले बताए ।
