काठमान्डु गोर्खाजले अन्य व्यावसायिक प्रतिबद्धताका कारण भारतीय क्रिकेटर भरत यस सिजन टोलीमा सहभागी नहुने जनाएको छ।
काठमाडौँ — नेपाल प्रिमियर लिग (एनपीएल) को तेस्रो संस्करणमा काठमान्डु गोर्खाजबाट खेल्ने घोषणा गरिएका भारतीय क्रिकेटर केएस भरतले प्रतियोगिता नखेल्ने भएका छन् ।
काठमान्डु गोर्खाजले सामाजिक सञ्जालमार्फत भरतले अन्य व्यावसायिक प्रतिबद्धताका कारण यस सिजन टोलीमा सहभागी हुन नसक्ने जानकारी दिएको हो ।
यसअघि काठमान्डुले भरतलाई आफ्नो टोलीको सदस्यका रूपमा सार्वजनिक गरेको थियो । तर, व्यस्तताका कारण उनले यस सिजन एनपीएल गुमाउने भएका हुन् ।
भरतले सात वटा टेस्ट खेल खेलेका छन् । उनले भारतीय घरेलु क्रिकेटमा इन्डियन प्रिमियर लिग (आईपीएल) मा दिल्ली क्यापिटल्स र रोयल च्यालेन्जर्स बैंगलुरुबाट खेलिसकेका छन् । प्रथम श्रेणीको क्रिकेटमा उनले ६ हजारभन्दा बढी रन बनाएका छन् । उनले यसै वर्षको जुन महिनामा अन्तर्राष्ट्रिय क्रिकेटबाट संन्यास लिएका थिए ।
गोर्खाजले भरतको आगामी यात्राका लागि शुभकामना पनि व्यक्त गरेको छ । लिगको आफ्नो दोस्रो खेल मात्रै खेलेको गोर्खाज एक जित र एक हारका साथमा २ अंक जोडेर सातौ स्थानमा छ । लिगमा यस सिजन थोरै खेल खेल्ने गोर्खाज मात्रै हो ।
