युनिलिभर नेपालले प्रतिकित्ता १,५४० रुपैयाँ, आरएसडिसीले ९.४० प्रतिशत र मकरले बोनस तथा नगद लाभांश प्रस्ताव गरेका छन्।
काठमाडौँ — बजारमा सूचीकृत ३ कम्पनीले लाभांश घोषणा गरेका छन् । यसरी लाभांश घोषणा गर्नेमा युनिलिभर नेपाल, आरएसडिसी लघुवित्त र मकर जितुमाया सुरी हाइड्रोपावर रहेका छन् ।
युनिलिभर नेपालले सेयरधनीलाई प्रतिकित्ता १५४० रुपैयाँ लाभांश दिने निर्णय गरेको हो । मंसिर ८ गतेसम्म यसको सेयर हुनेले यो लाभांश प्राप्त गर्नेछन् ।
किनभने युनिलिभरले मंसिर ९ देखि २३ गतेसम्म बुक क्लोजको मिति घोषणा गरेको छ । हाल यस कम्पनीको सेयर मूल्य प्रतिकित्ता ४९ हजार १ सय ५० रूपैयाँमा कारोबार भइरहेको छ । गत वर्ष यसले प्रतिकित्ता १८४२ रूपैयाँ लाभांश दिएको थियो ।
त्यस्तै, आरएसडिसी लघुवित्तले पनि ९.४० प्रतिशत नगद लाभांश प्रस्ताव गरेको छ । यसको प्रस्ताव राष्ट्र बैंकबाट स्वीकृत र साधारण सभाबाट पारित हुन बाँकी छ । यसअघि यसले ८ प्रतिशत नगद लाभांश दिएको थियो ।
मकर जितुमाया सुरी हाइड्रोपावर कम्पनीले पनि १३ प्रतिशत बोनस सेयर र कर प्रयोजनको लागि ०.६८४ प्रतिशत नगद लाभांश प्रस्ताव गरेको छ । विधुत नियमन आयोगबाट यो प्रस्ताव स्वीकृत हुन र साधारण सभाबाट पारित हुन बाँकी छ । यसअघि पनि मकरले २०८० वैशाख बाट सेयर कारोबारमा आएको मकरले पहिलो पटक लाभांश प्रस्ताव गरेको हो ।
गत चैतमा मकरको संस्थापक लगायतका सेयरको लकिङ अवधि सकिएको छ। चैतयता मकरका स्थानीय बासिन्दा, संस्थापकले सेयर बिक्री गर्न पाउँछन् ।
