पहिले ब्याटिङ गरेको जनकपुरले तृतराज दासको अर्धशतकको मदतले सात विकेटमा १ सय ४७ रन बनाएको थियो र टिम ९ रनले विजयी रह्यो ।
काठमाडौँ — जनकपुर बोल्ट्सका तृतराज दासले आफ्नो निर्णायक प्रदर्शनका कारण आइतबार आफ्नो जित जितेको खुसी व्यक्त गरेका छन् ।
पहिले ब्याटिङ गरेको जनकपुरले तृतराज दासको अर्धशतकको मदतले सात विकेटमा १ सय ४७ रन बनाएको थियो र टिम ९ रनले विजयी रह्यो ।
उनले ५५ बलमा ६१ रन बनाए र उनी नै खेलमा ‘प्लेयर अफ द म्याच’ भए । ‘कमजोर बलमा रन बनाउने योजना थियो र त्यस्तै गरें,’ तृतराजले भने, ‘यो पिचमा रन बनाउन सजिलो भने छैन् ।’
जनकपुरका कप्तान हरमित सिंहले जित सहज नरहेको बताए । उनको प्रतिक्रिया थियो, ‘हाम्रो बलिङ राम्रो रह्यो, त्यसैले यो खेल जित्न सफल रह्यौं ।’
जनकपुरको दोस्रो जित हो भने पोखराको भने लगातार दोस्रो हार रह्यो । जितका लागि १ सय ४८ रन पछ्याएको पोखराले २० ओभरमा नौ विकेट गुमाएर १ सय ३८ रन बनायो ।
त्यसमा कप्तान कुशल भुर्तेलले २४ बलमा ३५ रन बनाए । यस्तै विपिन आचार्यले २० र विपिन खत्रीले १७ रन थपे ।
पोखराका कप्तान कुशल भुर्तेलले भने, ‘अझै हाम्रो पाँच खेल बाँकी छ र त्यसमा राम्रो गर्नु पर्नेछ ।’ उनले अबका खेलमा टिमको प्रदर्शन राम्रो हुने विश्वास पोखे । ‘पावर प्लेमा चुक्यौं,’ पोखराका विपिन खत्रीले भने, ‘पिच गाह्रो भएको हुनाले सजिलो रहेन । साझेदारी राम्रो हुन सकेन् । नयाँ ब्याटरलाई एकै पल्ट पिचमा गएर खेल्न गाह्रो रहेको छ ।’
