१६ कात्तिक, काठमाडौं । राष्ट्रिय स्वतन्त्र पार्टी (रास्वपा) का सांसद हरि पन्तले नेपालको भूमि कुनै पनि छिमेकी मुलुकविरुद्ध प्रयोग हुन नदिने नेपालको परम्परागत राष्ट्रनीतिमा सरकार प्रतिबद्ध रहेको बताएका छन् ।
वीरगञ्जमा आइतबार साँझ आयोजित ‘वन्दे मातरम्’को १५०औँ वार्षिकोत्सवका अवसरमा आयोजित विशेष सांगीतिक कार्यक्रममा सांसद पन्तले यस्तो बताएका हुन् ।
सांसद पन्तले रास्वपा नेतृत्वको सरकारले ‘चाइना कार्ड’ र ‘इन्डिया कार्ड’को राजनीतिमा विश्वास नगर्ने बताए ।
सांसद पन्तले नेपाल–भारत सम्बन्धलाई थप सुदृढ बनाउनुपर्नेमा जोड दिए ।
सम्बोधनका क्रममा सांसद पन्तले भारतको विरोध गरेकै आधारमा आफू र आफूले नेतृत्व गरेको दललाई राष्ट्रवादी कित्तामा उभ्याउने राजनीतिक प्रवृत्ति विस्तारै अन्त्य हुँदै गएको बताए ।
सांसद पन्तले दशैँ, दीपावली, छठ र होलीजस्ता साझा चाडपर्व, परम्परा, धार्मिक आस्था तथा पारिवारिक सम्बन्धले दुई देशबीचको मित्रतालाई थप जीवन्त बनाउँदै आएको उल्लेख गरे।
.png)
