१५ कात्तिक, काठमाडौं । नेपाली कांग्रेसको शेरबहादुर देउवा समूहको दार्चुला जिल्ला सभापतिमा सुरेन्द्रप्रसाद अवस्थी चयन भएका छन् ।
खलंगामा सम्पन्न जिल्ला अधिवेशनले अवस्थीको नेतृत्वमा नयाँ जिल्ला कार्यसमिति चयन गरेको हो।
उपसभापतिमा लालसिंह धामी र दिलिप सिंह महता चयन भएका छन् भने सचिवमा लालबहादुर चन्द निर्वाचित भएका छन् ।
अधिवेशनबाट ३७ सदस्सीय जिल्ला कार्य समिति गठन भएको छ ।
त्यस्तै प्रदेश सभा निर्वाचन क्षेत्र ‘क’ को सभापतिमा भान सिंह धामी र क्षेत्र ‘ख’ को सभापतिमा पूर्णसिंह साउद चयन भएका छन् ।
शेरबहादुर देउवा समूहले २१ देखि २३ मंसिरसम्म काठमाडौंको खुलामञ्चमा समानान्तर महाधिवेशन गर्ने भएको छ।
