नेपालका अन्तर्राष्ट्रिय ब्याडमिन्टन अम्पाएर दीपक थापा पश्चिम एसिया २०२६ का लागि अम्पायर एसेसर नियुक्त भएका छन् ।
काठमाडौँ — नेपालका अन्तर्राष्ट्रिय ब्याडमिन्टन अम्पाएर दीपक थापा ब्याडमिन्टन एसियाद्वारा आयोजित क्षेत्रीय अम्पायर प्रशिक्षण तथा मूल्याङ्कन कार्यक्रम पश्चिम एसिया २०२६ का लागि अम्पायर एसेसर नियुक्त भएका छन् ।
बहराइनको मनामामा २ देखि १२ नाेभेम्बरसम्म सञ्चालन हुने कार्यक्रममा थापाले विभिन्न देशका अम्पायरलाई प्रशिक्षण, मार्गदर्शन तथा मूल्याङ्कन गर्नेछन् ।
सन् २०११ देखि अन्तर्राष्ट्रिय अम्पायरिङमा सक्रिय थापाले हालसम्म २७ देशमा अन्तर्राष्ट्रिय प्रतियोगितामा अम्पायरिङ गरिसकेका छन् । उनी नेपाल ब्याडमिन्टन संघका प्राविधिक प्रमुख तथा सचिवसमेत हुन् ।
यस उपलब्धिलाई नेपाली ब्याडमिन्टनको अन्तर्राष्ट्रिय पहिचान, प्रतिष्ठा र प्राविधिक नेतृत्वको विकासका रूपमा हेरिएको छ । नेपाली ब्याडमिन्टनका लागि गौरवपूर्ण उपलब्धि रहेकाे संघले जनाएकाे छ ।
थापाले रियाे ओलम्पिकमा पनि निर्णायककाे भूमिका निर्वाह गरेका थिए ।
.jpg)
