देशभरकै वर्षाका कारण नेपाल प्रिमियर लिग क्रिकेटको आाज शनिबारका खेलहरू प्रभावित हुने भएको छ ।
काठमाडौँ — देशभरकै वर्षाका कारण नेपाल प्रिमियर लिग क्रिकेटको शनिबारका खेलहरू प्रभावित हुने भएको छ ।
प्रतियोगिताको पाँचौं दिन आज शनिबार लुम्बिनी लायन्स र चितवन राइनोज तथा विराटनगर किंग्स र सुदूरपश्चिम रोयल्सका बीच खेल हुने तालिका छ । पहिलो खेल दिउँसो १२.३० बजे हुने तालिका छ । तर वर्षाका कारण १२ बजे तोकिएको टस हुन सकेको छैन । १२.२० सम्म पनि वर्षा रोकिएको छैन । मैदान फुल कभर भए पनि बाउन्ड्री छेउहरू भिजेर पानी जमेका छन् । दुबै टोलीलाई स्टानबाई राखिएको नेपाल क्रिकेट संघका सचिव पारस खड्काले बताएका छन् । मौसम पूर्वानुमानमा दिउँसो ३ बजेदेखि घाम लाग्ने पूर्वानुमान देखाए पनि पहिलो खेल हुने सम्भावना कमै देखिएको छ । लुम्बिनी र चितवन दुवैले पहिलो खेलमा विजय हात पारेका छन् । च्याम्पियन लुम्बिनीले सुदूरपश्चिमलाई ७ विकेटले पराजित गरेको थियो भने चितवनले विराटनगरमाथि ८ रनको विजय हात पारेको थियो ।
.png)
