मकवानपुरको भीमफेदी गाउँपालिका–८ गंगटे र ललितपुरको वागमती गाउँपालिका–४ पाङदुरेमा शनिबार बिहान गएको पहिरोले कान्तिलोकपथ अवरुद्ध भएको छ ।
हेटौंडा — मकवानपुरको भीमफेदी गाउँपालिका–८ गंगटे र ललितपुरको वागमती गाउँपालिका–४ पाङदुरेमा शनिबार बिहान गएको पहिरोले कान्तिलोकपथ अवरुद्ध भएको छ ।
कान्तिलोकपथको मकवानपुर र ललितपुर क्षेत्रको दुई स्थानमा पहिरो गएकाले विहान ५ बजेदेखि सडक अवरुद्ध भएको हो । शुक्रबारदेखि झरी परिरहेकाले माथिबाट पहिरो खसेर सडक अवरुद्ध भएको इलाका प्रहरी कार्यालय ठिंगनले जनाएको छ ।
‘मकवानपुरकोतर्फको पहिरो पानी रोक्ने वितिक्कै हटाउन सकिन्छ,’ इप्रका ठिगंनका प्रहरी निरिक्षक सुशान्त मिश्रले भने, ‘ललितपुरतर्फ ठूलो पहिरो खसेको छ ।’ दुवै स्थानको पहिरो हटाउनका कान्तिलोकपथ सडक आयोजनाले समन्वय गरिरहेको छ ।
पहिरो गएकाले हेटौंडाबाट कान्तिलोकपथ भएर काठमाडौं गइरहेको सवारी साधनहरु ठिंगनमा रोकिएका छन् भने काठमाडौंबाट रोकिएका सवारी साधनहरु छैमलेतर्फ रोकिएका छन् ।
झरी परिरहेको अवस्थामा कान्तिलोकपथ जोखिमयुक्त भएकाले मकवानपुरको प्रशासनले कान्तिलोकपथमा शुक्रबार र शनिबार राती सवारी साधन आउजाउ गर्न रोक लगाएको छ ।
प्रताप विष्ट कान्तिपुरको हेटौडा संवाददाता हुन् । उनी स्थानिय राजनीतिक र सामाजिक मुद्धाबारे रिपोर्टिङ/टिप्पणी लेख्छन् ।
(174).png)
.jpeg)