ताप्लेजुङबाट काठमाडौं जाँदै गरेको बस शुक्रबार अपराह्न नावा खोला पार गर्ने क्रममा बाढीमा फसेको हो ।
धनकुटा — अविरल वर्षापछि आएको बाढीका कारण तमोर करिडोरअन्तर्गत पाँचथर र धनकुटाको सीमावर्ती नावा खोलामा यात्रुबाहक बस फसेको छ । बसमा सवार सबै यात्रुको सकुशल उद्धार गरिएको प्रहरीले जनाएको छ ।
ताप्लेजुङबाट काठमाडौं जाँदै गरेको बस शुक्रबार अपराह्न नावा खोला पार गर्ने क्रममा बाढीमा फसेको हो । बिहीबार बिहानदेखि निरन्तर भइरहेको वर्षाले खोलामा पानीको बहाव बढेपछि बस फसेको जिल्ला प्रहरी कार्यालय धनकुटाका प्रहरी निरीक्षक पाण्डव राजवंशीले बताए ।
उनका अनुसार बस निकाल्ने प्रयास भइरहेको छ । बस फसे पनि तमोर करिडोरमा यातायात भने अवरुद्ध नभएको प्रहरीले जनाएको छ ।
विनोद घिमिरे कान्तिपुर संवाददाता हुन्।
