जिल्लाको इस्मा गाउँपालिका-६ आँपलायमा जैथुमदेखि कुखुरेखोला जाँदै गरेको लु २ त ६१९४ नम्बरको ट्याक्टरले पैदल हिँडेका सोही स्थानका १२ वर्षीय कुञ्जन खत्रीलाई ठक्कर दिएको थियो ।
गुल्मी — गुल्मीमा ट्याक्टरको ठक्करबाट १२ वर्षीय बालकको मृत्यु भएको छ । जिल्लाको इस्मा गाउँपालिका-६ आँपलायमा जैथुमदेखि कुखुरेखोला जाँदै गरेको लु २ त ६१९४ नम्बरको ट्याक्टरले पैदल हिँडेका सोही स्थानका १२ वर्षीय कुञ्जन खत्रीलाई ठक्कर दिएको थियो ।
जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक वीरेन्द्रवीर विश्वकर्माका अनुसार, बिहीबार साँझ ५ बजे ट्याक्टरले ठक्कर दिएको सूचनापछि अस्थायी प्रहरी पोष्ट धनार्जे र जिल्ला प्रहरी कार्यालय गुल्मीबाट प्रहरी टोली खटिएको थियो । प्रहरी निरीक्षक सुदिप नेपालीको नेतृत्वमा खटिएको प्रहरी टोली घटनास्थलमा पुग्दा घाइते बालकको मृत्यु भइसकेको थियो ।
ट्याक्टर र चालक प्रहरी नियन्त्रणमा छन् । बालकको शव पोष्टमार्टमका लागि गुल्मी अस्पताल ल्याइएको छ ।
