पाँचथरसहित पहाडी जिल्लाहरुमा निरन्तर पानी परिरहेको छ । बिहीबार बिहानैदेखि यस क्षेत्रमा पानी पर्न थालेको थियो ।
पाँचथर — पाँचथरसहित पहाडी जिल्लाहरुमा निरन्तर पानी परिरहेको छ । बिहीबार बिहानैदेखि यस क्षेत्रमा पानी पर्न थालेको थियो । बिहीबार बिहानदेखि साँझसम्म छिटफुट मात्रै वर्षा भए पनि साँझदेखि भने बाक्लो पानी परिरहेको छ ।
वर्षाका कारण नागरिकहरु घर बाहिर निस्कन सकेका छैनन् । जाडो बढेकाले ज्येष्ठ नागरिक प्रभावित भएका छन् । वर्षाले पाक्नै लागेको धान र कोदा सहितका दलहन बाली ढालेर क्षति पुर्याएको छ ।
अर्नव चक्रवातको प्रभावका कारण भइरहेको वर्षा अझैसम्म रोकिने छाँटकाँट छैन ।
झरीले वस्तुभाउ र अन्नबाली प्रभावित भएको जनाइएको छ ।
लक्ष्मी गौतम कान्तिपुरका पाँचथर संवाददाता हुन् ।
