काठमाडौंसहित चितवन, बिर्तामोड, बुटवल र विराटनगरमा सवारी हस्तान्तरण सुरु गरिएको कम्पनीले जनाएको छ ।
काठमाडौं — नेपालमा चेरी सवारीसाधनको आधिकारिक वितरक पायोनियर मोटो कर्प प्रालिले ग्राहकलाई आफ्नो नयाँ विद्युतीय सहरी एसयूभी चेरी क्यू हस्तान्तरण सुरु गरेको छ । काठमाडौंसहित चितवन, बिर्तामोड, बुटवल र विराटनगरमा सवारी हस्तान्तरण सुरु गरिएको कम्पनीले जनाएको छ ।
आधुनिक सहरी जीवनशैलीलाई ध्यानमा राखेर तयार पारिएको चेरी क्यूमा ४१.२ किलोवाट घण्टा क्षमताको ब्याट्री रहेको कम्पनीले जारी गरेको विज्ञप्तिमा उल्लेख छ । यो सवारी एक पटक पूर्ण चार्ज गर्दा ४ सय किलोमिटरसम्म चल्न सक्ने कम्पनीको भनाइ छ ।
गाडीमा ५४० डिग्री दृश्य प्रणालीको क्यामेरा, १८५ मिलिमिटरको ग्राउन्ड क्लियरेन्स, विद्युतीय रूपमा सञ्चालन हुने ७० लिटर क्षमताको अगाडिको सामान राख्ने ठाउँ तथा १५.६ इन्चको टचस्क्रिनसहितको सूचना तथा मनोरञ्जन प्रणाली उपलब्ध छन् । यसमा चालकलाई सुरक्षित रूपमा सवारी चलाउन सहयोग गर्ने २० भन्दा बढी उन्नत चालक सहायता प्रणालीसमेत समावेश गरिएको कम्पनीले जनाएको छ ।
आकर्षक बाहिरी बनावट र आधुनिक प्रविधिको संयोजन रहेको चेरी क्यूले सन् २०२५ को रेड डट डिजाइन अवार्ड र सन् २०२६ को आईएफ डिजाइन अवार्डसमेत प्राप्त गरेको कम्पनीको भनाइ छ । काठमाडौं, चितवन, बिर्तामोड, बुटवल र विराटनगरमा ग्राहकलाई गाडी हस्तान्तरण सुरु भएसँगै कम्पनीले नेपाली बजारमा आफ्नो उपस्थिति विस्तार गरेको बताएको छ ।
(9).jpg)
