निगमका अनुसार १४ कात्तिकको काठमाडौं–दमाम (आरए २४१) र १५ कात्तिकको दमाम–काठमाडौं (आरए २४२) उडान रद्द गरिएको हो ।
काठमाडौं — साउदी अरेबियाको वर्तमान सुरक्षा परिस्थितिलाई ध्यानमा राख्दै नेपाल वायुसेवा निगमले दमामका २ उडान रद्द गरेको छ ।
निगमले १४ कात्तिकको काठमाडौं–दमाम (आरए २४१) र १५ कात्तिकको दमाम–काठमाडौं (आरए २४२) उडान रद्द गरिएको जनाएको छ ।
निगमले साउदी अरेबियाको सुरक्षा परिस्थितिलाई नजिकबाट निगरानी गरिरहेको र स्थितिमा सुधार आएपछि आगामी उडानबारे जानकारी गराउने जनाएको छ ।
रद्द भएका उडानका टिकट लिएका यात्रुले टिकटको मिति निःशुल्क परिवर्तन गर्न वा टिकटको पूरै रकम फिर्ता लिन सक्ने निगमले जनाएको छ ।
.jpeg)
