बुधबार नेप्से परिसूचकसँगै कारोबार रकममा पनि वृद्धि भएको छ। हिजो मंगलबार करिब स्थिर रहेको नेप्से ३३.२९ अंक बढेर २६६४.०६ विन्दुमा पुगेको छ। सेन्सेटिभ इण्डेक्स ६.३२ अंक, फ्लोट इण्डेक्स २.६२ अंक र सेन्सेटिभ फ्लोट इण्डेक्स २.३९ अंक बढेको छ।
नेप्सेसँगै मंगलबारको तुलनामा बुधबार कारोबार रकम पनि एक अर्ब ६६ करोडले बढेको छ। बुधबार ३४८ स्टकको ६३ हजार ७४४ पटकको कारोबारमा ७ अर्ब ४५ करोड ८६ लाख ७७ हजार रुपैयाँबराबरको १ करोड ९३ लाख ९७ हजार कित्ता शेयर खरिदबिक्री भएको छ। मंगलबार ५ अर्ब ७९ करोड रुपैयाँको कारोबार भएको थियो।
Read full story at source ( nagariknews.nagariknetwork.com )
