अपांगता भएका भरत एआईको सहायताले आफैं तयार पार्छन् प्रस्ताव र प्रतिवेदन

एबिलिटी डेभेलप्मेन्ट सोसाइटी अफ नेपालका प्रोजेक्ट म्यानेजर भरत बीसीले एआईमार्फत प्रस्ताव, बैठकका माइन्युट र कार्यक्रमका प्रतिवेदन तयार पारिरहेका छन्।

काठमाडौँ — शारीरिक अपांगता भएका भरत बीसीले एआईलाई सोखका रूपमा मात्र नभई आफ्नो कामको महत्वपूर्ण साधनका रूपमा प्रयोग गरिरहेका छन्। उनी विभिन्न संघसंस्थाका लागि प्रस्तावना, बैठकका माइन्युट र कार्यक्रमका प्रतिवेदन तयार पार्न एआईको सहयोग लिन्छन्।

ह्विलचेयर बास्केटबल खेलाडीसमेत रहेका बीसीका अनुसार पहिले लेखपढ, प्रतिवेदन र प्रशासनिक कामका लागि अरूमाथि निर्भर हुनुपर्थ्यो। अहिले भने आफ्नो काम आफैं गर्न सक्ने भएका छन्। एआईको सहयोगमा तयार पारिएको एउटा प्रस्ताव पास भएर अहिले सम्झौता गर्ने चरणमा पुगेको उनले बताए।

बीसीले जेमिनाई, क्लड र च्याटजीपीटीजस्ता टुल प्रयोग गर्दै आएका छन्। दाताहरूसँगका बैठक तथा अन्य छलफलका माइन्युट लेख्न, संस्थामा दैनिक हुने कार्यक्रमका रिपोर्ट बनाउन, प्रतिक्रिया माग्न र विभिन्न ढाँचा तयार पार्न पनि उनले एआई चलाउने गरेका छन्।

नयाँ विषयमा अध्ययन गर्न, लामो सामग्रीको सारांश बनाउन र ग्रिटिङ कार्ड डिजाइन गर्न समेत ती टुल प्रयोग गर्ने गरेको बीसीले बताए। सीमित जनशक्ति भएका संस्थाले एआईको सहयोगमा समयमै गुणस्तरीय प्रस्ताव, माइन्युट र प्रतिवेदन तयार पार्न सक्ने उनको भनाइ छ।

भरतले दाताहरूसँगका बैठक तथा अन्य छलफलका माइन्युट लेख्न एआईले सहयोग गरेका छन् । त्यस्तै, संस्थामा दैनिक हुने कार्यक्रमका रिपोर्ट बनाउन, फिडब्याक माग्न र विभिन्न फर्म्याट तयार पार्न उनी एआई चलाउँछन् । ‘नयाँ विषयमा रिसर्च गर्न, लामो सामग्रीको सारांश बनाउन र ग्रिटिङ कार्डहरू डिजाइन गर्न म क्लड, जेमिनाइ र च्याटजीपीटीजस्ता निःशुल्क उपलब्ध हुने टुल प्रयोग गर्छु,’ उनले भने, ‘सीमित जनशक्ति भएका संस्थाले पनि एआईको सहयोग लिएर समयमै गुणस्तरीय प्रपोजल, माइन्युट र रिपोर्ट तयार पार्न सक्छन् । यसले मेरो कार्यक्षमता र आत्मविश्वास बढाएको छ ।’

एआईका कारण आफ्नो कार्यक्षमता र आत्मविश्वास बढेको बीसीले बताएका छन्। एआईको प्रयोगले प्रशासनिक काममा अरूमाथिको निर्भरता घटाएको उनको अनुभव छ।

विस्तृतमा पढ्नुहोस् : चुलोदेखि कार्यालयसम्म, दैनिकी सहज बनाउँदै एआई

सजना बराल कान्तिपुरमा कार्यरत पत्रकार हुन् । उनी सञ्चार,सूचना प्रविधि बिटमा कलम चलाउँछिन् ।