नेपाल स्टक एक्सचेञ्ज (नेप्से) ले बुधबार मञ्जुश्री फाइनान्स र बरुण हाइड्रोपावरको सेयरमूल्य समायोजन गरेको छ। दुवै कम्पनीले बोनस सेयर वितरणका लागि बुक क्लोज गरेपछि नेप्सेले अघिल्लो कारोबार दिनको अन्तिम मूल्यका आधारमा नयाँ मूल्य निर्धारण गरेको हो।
नेप्सेले मञ्जुश्री फाइनान्सको ५ प्रतिशत र बरुण हाइड्रोपावरको ४.७५ प्रतिशत बोनस सेयर समायोजन गरेको छ। समायोजनपछि मञ्जुश्री फाइनान्सको सेयरमूल्य प्रतिकित्ता ७२३ रुपैयाँ ३३ पैसा कायम भएको छ भने बरुण हाइड्रोपावरको मूल्य ३२३ रुपैयाँ ५३ पैसा निर्धारण भएको छ।
अघिल्लो कारोबार दिन मंगलबार दोस्रो बजारमा मञ्जुश्री फाइनान्सको सेयर प्रतिकित्ता ७५९ रुपैयाँ ५० पैसामा अन्तिम कारोबार भएको थियो। त्यस्तै, बरुण हाइड्रोपावरको सेयरमूल्य प्रतिकित्ता ३३८ रुपैयाँ ९० पैसा थियो।
.png)
