काठमाडौं । इंग्ल्यान्डका कप्तान तथा जर्मन क्लब बायर्न म्युनिखका स्टार स्ट्राइकर ह्यारी केनले सन् २०२६ को प्रतिष्ठित बालोन डी’ओर अवार्ड हात पारेका छन्। सन् २००१ मा माइकल ओवेनले यो उपाधि जितेयता पहिलोपटक केनले यो अवार्ड प्राप्त गरेका हुन् । लन्डनमा आयोजित विशेष समारोहमा विश्वकै उत्कृष्ट खेलाडी घोषित ३३ वर्षीय केनले रियल म्याड्रिडका फ्रान्सेली फरवार्ड किलियन एम्बाप्पे र बार्सिलोनाका स्पेनी युवा खेलाडी लामिन यामाललाई पछि पार्दै उक्त सफलता हासिल गरेका हुन्।
केनले सन् २०२५–२६ को सिजनमा बायर्न म्युनिखका लागि सबै प्रतियोगितामा गरी ५१ खेल खेल्दै ६१ गोलको कीर्तिमान बनाएका थिए। इंग्ल्यान्डको राष्ट्रिय टोलीसहित उनले गत सिजन कुल ६५ खेलमा ७३ गोल गर्नुका साथै आठवटा असिस्ट समेत प्रदान गरेका थिए। बायर्नबाट बुन्डेसलिगामा ३६ गोलसहित सर्वाधिक गोलकर्ता बनेका उनले च्याम्पियन्स लिगमा १४ र जर्मन कपमा १० गोल गरेका थिए। जर्मन कपको फाइनलमा स्टुटगार्टविरुद्ध ह्याट्रिक गर्दै उनले टोलीलाई ३–० को जित दिलाएका थिए भने सुपर कपमा पनि एक गोल गरेका थिए। विश्वकप र च्याम्पियन्स लिगको उपाधि जित्न नसके पनि सेमिफाइनलसम्मको यात्रा र उनको असाधारण व्यक्तिगत प्रदर्शन नै बालोन डी’ओर जित्नका लागि निर्णायक बन्यो। यसअघि शीर्ष १० मा पर्नु नै केनको उत्कृष्ट उपलब्धि रहेकोमा यसपटक उनले सीधा उपाधि नै आफ्नो नाममा गरेका हुन्।
स्रोतमा पूरा पढ्नुहोस् ( nepalviews.com )
