काठमाडौँ । रास्वपा सांसद खगेन्द्र सुनार एक महिलालाई धम्क्याउँदै ब्ल्याकमेलिङ गरेको आरोप लागेपछि गम्भीर नैतिकताको प्रश्नले घेरिएका छन् । महिलासँगको भनिएको अडियो संवाद र त्यससँग सम्बन्धित गतिविधिकै कारण उनीमाथि गम्भीर नैतिक प्रश्न उठेको छ । तर, पीडित भनिएकी महिलाले उक्त अडियो आफ्नो नभएको र खगेन्द्रसँग आफूहरूको सम्बन्ध हाल दाबी गरिएजस्तो नरहेको बयान दिएपछि यस प्रकरणको कानुनी पाटोमा केही अन्योल देखिएको छ । यद्यपि, यदि उक्त अडियो सत्य साबित भएपनि महिलाले उजुरी वा आरोप नलगाएको अवस्थामा यो मुद्दा कसरी अघि बढ्छ ? भन्ने कौतूहल र घटनाको सत्यतथ्य बाहिर आउनुपर्ने दबाब बढेको छ । यस्तो अवस्थामा पनि सांसद सुनारले भने आफू कुनै पनि कुकर्ममा संलग्न नरहेको जिकिर गर्दै आएका छन् ।
सांसद सुनारले उक्त अडियो एआई जेनेरेटेड भएकोदेखि महिलालाई काल्पनिक पात्रसम्मको दाबी गरेका छन् । यो घटनाक्रमपछि पार्टीले उनलाई साथ दिएको छैन । रास्वपाले उनलाई सांसदको हैसियतमा कुनै पनि सार्वजनिक गतिविधि नगर्न निर्देशन दिइसकेको छ । समाचार माध्यमहरूमा अडियो र संवाद छाएलगत्तै पार्टीले विज्ञप्ति जारी गरी उनलाई सार्वजनिक कार्यक्रममा सहभागी हुन प्रतिबन्ध लगाएको थियो । अब रास्वपाको अनुशासन तथा आन्तरिक अनुसन्धान आयोगले यस विषयमा थप छानबिन गर्नेछ ।
Read full story at source ( news24nepal.tv )
