काठमाडाैं - अन्नपूर्णको काख, उकाली–ओराली ढुङ्गे सिँढी र पातलो हावामाझ हराएको एउटा सामान्य चश्मा आज केवल आँखाको सहारा मात्र रहेन; त्यो त नेपाली समाजको इमानदारी, विश्वास र निःस्वार्थ मानवताको जीवन्त प्रमाण बनेको छ।
पूर्ण रूपमा चश्माकै भर पर्नुपर्ने अमेरिकी पर्यटक ग्लेन गिलक्रिस्टका लागि छोमरोङको लजमा चश्मा छुट्नु सानोतिनो विपत्ति नै थियो। दृष्टि धमिलो हुँदा हिमाली बाटोका हरेक पाइला, भिरालो गोरेटो र साँघुरा मोडहरू झनै चुनौतीपूर्ण बन्छन्। भोलिपल्ट पूरा एक दिनको पदयात्रा छिचोलेर लान्द्रुक पुग्दा मात्र उनले आफ्नो चश्मा छुटेको पत्तो पाए। हतास मन लिएर उनले छोमरोङको लजमा फोन घुमाए। उताबाट आएको आश्वासनले उनको चिन्ता केही कम त गर्यो—लजमा चश्मा सुरक्षित भेटिएको छ र पदयात्राको अन्तिम बिन्दु पोखरासम्म पठाइन्छ कि पठाइँदैन दोधारमै रहे ।
Read full story at source ( canadanepal.com )