Trending
Prev Story
Next Story

भाेलिदेखि सुरू हुने आठौँ अन्तर्राष्ट्रिय कृषि यान्त्रीकरण प्रदर्शनीको तयारी पूरा, ५० हजारभन्दा बढीले अवलोकन गर्ने अपेक्षा

Bizshala •
November 19, 2026 • 02:04 PM
1
1 reads 0 reactions

काठमाण्डौ । काठमाण्डौको भृकुटीमण्डपमा भोलि (मंसिर ४)देखि ६ गतेसम्म आयोजना हुने आठौँ अन्तर्राष्ट्रिय कृषि यान्त्रीकरण प्रदर्शनीको सम्पूर्ण तयारी पूरा भएको आयोजकले जनाएको छ । आधुनिक कृषि यन्त्र, उपकरण तथा नवीनतम प्रविधिको प्रदर्शनसँगै रैथाने सीप र उत्पादनको प्रवर्द्धन तथा अवलोकनकर्ताका लागि आकर्षक उपह...

भाेलिदेखि सुरू हुने आठौँ अन्तर्राष्ट्रिय कृषि यान्त्रीकरण प्रदर्शनीको तयारी पूरा, ५० हजारभन्दा बढीले अवलोकन गर्ने अपेक्षा

काठमाण्डौ । काठमाण्डौको भृकुटीमण्डपमा भोलि (मंसिर ४)देखि ६ गतेसम्म आयोजना हुने आठौँ अन्तर्राष्ट्रिय कृषि यान्त्रीकरण प्रदर्शनीको सम्पूर्ण तयारी पूरा भएको आयोजकले जनाएको छ । आधुनिक कृषि यन्त्र, उपकरण तथा नवीनतम प्रविधिको प्रदर्शनसँगै रैथाने सीप र उत्पादनको प्रवर्द्धन तथा अवलोकनकर्ताका लागि आकर्षक उपहारको व्यवस्था गर्दै प्रदर्शनी आयोजना हुन लागेको हो । ‘कृषिमा यन्त्र र प्रविधि : कृषक र राष्ट्रको समृद्धि’ भन्ने मूल नाराका साथ आयोजना हुने प्रदर्शनीमा १०० भन्दा बढी प्रदर्शक, दुई हजारभन्दा बढी प्रकारका कृषि यन्त्र तथा उपकरण र २०० भन्दा बढी स्टल रहनेछन् । तीन दिनसम्म सञ्चालन हुने प्रदर्शनीमा ५० हजारभन्दा बढी अवलोकनकर्ताले अवलोकन गर्ने आयोजकको अपेक्षा छ । नेपाल कृषि मेसिनरी व्यवसायी संघ (नामिया) का अध्यक्ष कृष्ण शर्माले प्रदर्शनीले नेपाली कृषि क्षेत्रमा आधुनिक यन्त्र तथा प्रविधिको प्रयोग विस्तार गर्न महत्त्वपूर्ण योगदान पुर्‍याउने विश्वास व्यक्त गरे । उनका अनुसार प्रदर्शनीमा आधुनिक कृषि यान्त्रीकरणका उपकरणसँगै नेपाली किसान, कृषि उद्यमी तथा व्यवसायीलाई नयाँ प्रविधिबारे जानकारी दिने र कृषि क्षेत्रलाई व्यावसायिक तथा प्रतिस्पर्धी बनाउन सहयोग पुग्ने सामग्री प्रदर्शन गरिनेछ । शर्माले आधुनिक कृषि प्रविधिको प्रवर्द्धनसँगै स्थानीय उत्पादन, रैथाने सीप र परम्परागत प्रविधिको संरक्षणलाई पनि प्रदर्शनीले प्राथमिकता दिएको बताए । सोही उद्देश्यअनुसार राउटे समुदायका उत्पादन प्रदर्शन तथा बिक्रीका लागि दुईवटा स्टल निःशुल्क उपलब्ध गराइने भएको छ । राउटे समुदायलाई प्रदर्शनीमा सहभागी गराउन सोसेक नेपालले समन्वय गर्नेछ । संस्थाको पहलमा समुदायका प्रतिनिधिहरूले आफ्ना परम्परागत सीपबाट उत्पादित सामग्री प्रदर्शनीमा राख्नेछन् ।

प्रदर्शनीलाई थप आकर्षक बनाउन अवलोकनकर्ताका लागि लक्की ड्रमार्फत उपहार वितरण गर्ने व्यवस्था गरिएको छ । प्रदर्शनी अवधिभर प्रत्येक दिन ५० जना अवलोकनकर्ता छनोट गरी कृषि मेसिनरी, मल, स्प्रे, मल्चिङ प्लास्टिक, विद्युतीय मकै छोडाउने मेसिनलगायतका कृषि सामग्री तथा साना औजार उपहार प्रदान गरिनेछ । लक्की ड्रका प्रमुख विजेतालाई प्रदर्शनीको अन्तिम दिन मिनी ट्रेलर प्रदान गरिने आयोजकले जनाएको छ । प्रदर्शनीको मुख्य प्रायोजकमा एसकेटी नेपाल प्रालि रहेको छ । त्यस्तै, प्लेटिनम प्रायोजकमा जी–सेभेन एग्रिकल्चर प्रालि, नेपाल ट्रेड होस्ट प्रालि र शलोम एग्रिकल्चर प्रालि रहेका छन् । यी कम्पनीहरूले आधुनिक कृषि प्रविधि तथा उपकरणको प्रवर्द्धन र नेपाली किसानमाझ त्यसको पहुँच विस्तारमा सहकार्य गर्नेछन् । प्रदर्शनीमा ट्र्याक्टर, कृषि ड्रोन, रोपाइँ तथा बाली व्यवस्थापनका उपकरण, सिँचाइ प्रणाली, हरितगृह, शीतभण्डारणलगायत आधुनिक कृषि प्रविधि प्रदर्शन गरिनेछ । यसका साथै स्वदेशमै विकसित तथा निर्माण गरिएका कृषि उपकरणलाई समेत प्रदर्शनीमा स्थान दिइनेछ । विभिन्न कम्पनी तथा संस्थाले आफ्ना उत्पादन र प्रविधिबारे किसानलाई प्रत्यक्ष जानकारी दिनेछन् ।

कृषि विभागअन्तर्गतको राष्ट्रिय कृषि इन्जिनियरिङ तथा यान्त्रीकरण प्रवर्द्धन केन्द्र, हरिहरभवन, ललितपुर र नेपाल कृषि मेसिनरी व्यवसायी संघको संयुक्त आयोजनामा प्रदर्शनी हुन लागेको हो । बागमती प्रदेश सरकारको कृषि, पशुपन्छी, वन तथा वातावरण मन्त्रालय सहआयोजक रहेको प्रदर्शनीमा नेपाल कृषि अनुसन्धान परिषद् (नार्क) अन्तर्गतको राष्ट्रिय कृषि इन्जिनियरिङ अनुसन्धान केन्द्र, नेपाल उद्योग वाणिज्य महासंघअन्तर्गतको कृषि उद्यम केन्द्र तथा गाउँपालिका राष्ट्रिय महासंघ नेपाल सहयोगी संस्थाका रूपमा सहभागी हुनेछन् । मंसिर ४ देखि ६ गतेसम्म तीन दिन बिहान १० बजेदेखि साँझ ५ बजेसम्म सञ्चालन हुने प्रदर्शनीले आधुनिक कृषि प्रविधिको पहुँच किसानसम्म पुर्‍याउनुका साथै कृषि यन्त्र तथा उपकरणको प्रयोग विस्तार, कृषि उद्यमशीलताको विकास र कृषि उत्पादनलाई प्रतिस्पर्धी बनाउन सहयोग पुग्ने आयोजकको विश्वास छ ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Onlinekhabar
1d ago
द्रुतमार्गमा सेना र निर्माण कम्पनीलाई सरकारको खबरदारी, ३ वर्षमा सकिएला आधा काम ?

द्रुतमार्गमा सेना र निर्माण कम्पनीलाई सरकारको खबरदारी, ३ वर्षमा सकिएला आधा काम ?

२ मंसिर, काठमाडौं । काठमाडौं-तराई-मधेस द्रुतमार्ग आयोजना कार्यान्वयन गति बढाउन सरकारले नेपाली सेनालाई खबरदारी गरेको छ । योसँगै सरकारले आयोजनाको सुरुवाती विन्दुमा देखिएका समस्या समाधान प्रतिबद्धता पनि जनाएको छ । यसले आगामी दिनमा आयोजनाको गति बढ्ने …

#काठमाडौं #आयोजना
Compare →
Hamro Patro News
6h ago
दशौँ राष्ट्रिय खेलकुद प्रतियोगिताको तयारी अन्तिम चरणमा

दशौँ राष्ट्रिय खेलकुद प्रतियोगिताको तयारी अन्तिम चरणमा

काठमाडौं । कर्णाली प्रदेशमा आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको छ । राष्ट्रिय खेलकुद परिषद्ले बिहीबार काठमाडौंमा पत्रकार सम्मेलन गर्दै मंसिर १६ देखि २७ ...

#काठमाडौं #तयारी
Compare →

Related Stories

Business & Economy
Build #2612