Trending
Prev Story
Next Story

धान किन्न सरकारी उदासीनता, धनगढी बाहेक सबै कार्यालयमा खरिद शून्य

Onlinekhabar •
November 19, 2026 • 01:01 PM
3
3 reads 0 reactions

३ मंसिर, काठमाडौं । सरकारी स्वामित्वको खाद्य व्यवस्था तथा व्यापार कम्पनी लिमिटेडको धान खरिद कार्य निकै सुस्त रहेको छ । आजसम्म कम्पनीले जम्मा २ हजार ५ सय २९ क्विन्टल धान खरिद गरेको छ । प्रत्यक्ष किसानबाट …

धान किन्न सरकारी उदासीनता, धनगढी बाहेक सबै कार्यालयमा खरिद शून्य

३ मंसिर, काठमाडौं । सरकारी स्वामित्वको खाद्य व्यवस्था तथा व्यापार कम्पनी लिमिटेडको धान खरिद कार्य निकै सुस्त रहेको छ ।

आजसम्म कम्पनीले जम्मा २ हजार ५ सय २९ क्विन्टल धान खरिद गरेको छ । प्रत्यक्ष किसानबाट प्रतिक्विन्टल ३ हजार ६ सय ६० रुपैयाँका दरले उक्त परिमाणको मोटा धान खरिद गर्दा कुल ९२ लाख ५७ हजार ५५ रुपैयाँ बराबर खरिद कारोबार भएको कम्पनीको तथ्यांकले देखाउँछ ।

कम्पनीले चालु आर्थिक वर्षका लागि कुल १ लाख ५० हजार क्विन्टल धान खरिद गर्ने स्वीकृत लक्ष्य तय गरेकोमा अब १ लाख ४७ हजार ४ सय ७० क्विन्टल खरिद गर्न बाँकी छ ।

तथ्यांक अनुसार धान खरिद गर्न तोकिएका देशभरिका १२ कार्यालय र खरिद विभाग गरी कुल १३ निकायमध्ये हालसम्म १ कार्यालय अर्थात् प्रादेशिक कार्यालय धनगढीबाट मात्र धान खरिद भएको छ । बाँकी ११ कार्यालय र खरिद विभाग गरी १२ निकायबाट खरिद हुन बाँकी छ ।

प्रादेशिक कार्यालय धनगढीले १ मंसिरदेखि मोटा धान खरिद सुरु गरेको हो, जहाँ कुल स्वीकृत ३० हजार क्विन्टल कोटामध्ये जम्मा २ हजार ५ सय २९ क्विन्टल खरिद भएको छ ।

धनगढी बाहेक १२ कार्यालय तथा विभागको धान खरिद सुरु मिति र खरिद परिमाण दुवै शून्य छ भने कृषि सहकारी मार्फत हालसम्म कुनै पनि कार्यालयबाट धान खरिद भएको छैन ।

खरिद सुरु हुन बाँकी कार्यालयतर्फ मुख्य शाखा कार्यालय बिर्तामोडका लागि सोना मन्सुली धान ८ हजार र रञ्जित धान ४ हजार गरी कुल १२ हजार क्विन्टल स्वीकृत गरिएको छ, जसमध्ये सोना मन्सुलीको खरिद दर प्रतिक्विन्टल ३ हजार ८ सय ६० रुपैयाँ तोकिएको छ भने रञ्जित धानको दर उल्लेख गरिएको छैन ।

त्यस्तै प्रादेशिक कार्यालय विराटनगरका लागि सोना मन्सुली धान १० हजार क्विन्टल र मुख्य शाखा कार्यालय लहानका लागि सोना मन्सुली धान ८ हजार क्विन्टल स्वीकृत भएको छ र यी दुवै स्थानमा खरिद दर प्रतिक्विन्टल ३ हजार ८ सय ६० रुपैयाँ तय गरिएको छ ।

प्रादेशिक कार्यालय जनकपुरका लागि वासमती धान २ हजार क्विन्टल, सोना मन्सुली धान १० हजार क्विन्टल र कतर्नी/जिरा मसिनो धान २ हजार क्विन्टल गरी कुल १४ हजार क्विन्टल स्वीकृत छ भने शाखा कार्यालय वीरगञ्जका लागि सोना मन्सुली धान १० हजार क्विन्टल तोकिएको छ ।

यसैगरी प्रादेशिक कार्यालय भैरहवाका लागि साँवा धान ५ हजार क्विन्टल र मुख्य शाखा कार्यालय नेपालगञ्जका लागि मध्यम धान १० हजार क्विन्टल खरिद गर्ने स्वीकृति छ ।

मुख्य शाखा कार्यालय राजापुरका लागि मोटा धान २५ हजार क्विन्टल (दर ३ हजार ६ सय ६०) र मध्यम धान ५ हजार क्विन्टल (दर ३ हजार ८ सय ६०) गरी कुल ३० हजार क्विन्टल तथा मुख्य शाखा कार्यालय तुलसीपुरका लागि प्रतिक्विन्टल ३ हजार ६ सय ६० रुपैयाँका दरले मोटा धान ५ हजार क्विन्टल स्वीकृत गरिएको छ ।

सुदूरपश्चिमकै शाखा कार्यालय महेन्द्रनगरमा प्रतिक्विन्टल ३ हजार ६ सय ६० रुपैयाँका दरले मोटा धान ८ हजार क्विन्टल, शाखा कार्यालय जुम्लामा मार्सी धान २ सय क्विन्टल (दर उल्लेख नभएको) र केन्द्रीय खरिद विभागका लागि आवश्यकता अनुसार खरिद गर्ने गरी ७ हजार ८ सय क्विन्टल (दर उल्लेख नभएको) कोटा छुट्याइएको छ ।

समग्रमा कम्पनीले चालु आवका लागि स्वीकृत गरेको कुल १ लाख ५० हजार क्विन्टल धानमध्ये प्रतिक्विन्टल ३ हजार ६ सय ६० रुपैयाँ दर तोकिएको मोटा धान ६८ हजार क्विन्टल तथा प्रतिक्विन्टल ३ हजार ८ सय ६० रुपैयाँ दर तोकिएको सोना मन्सुली धान ४६ हजार क्विन्टल र मध्यम धान १५ हजार क्विन्टल छ ।

यस्तै साँवा धान ५ हजार क्विन्टल, रञ्जित धान ४ हजार, वासमती धान २ हजार, कतर्नी/जिरा मसिनो धान २ हजार, मार्सी धान २ सय र खरिद विभाग अन्तर्गत आवश्यकता अनुसार ७ हजार ८ सय क्विन्टल खरिद दर भने उल्लेख छैन ।

धान थन्क्याउने मुख्य याम सकिन लाग्दासमेत मुलुकका धेरैजसो भेगमा राज्य संयन्त्रबाट हुने खरिद कार्यले गति लिन सकेको छैन । तोकिएको समर्थन मूल्यमा सम्बन्धित निकायले बेलैमा बाली नकिन्दिँदा कम भाउमै निजी व्यवसायीलाई उपज बिक्री गर्न बाध्य हुनुपरेको किसानको गुनासो छ ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
23h ago
किसानको धान किन्न सरकारले छुट्यायो साढे ६७ करोड, डेढ लाख क्विन्टल खरिद गर्ने तयारी

किसानको धान किन्न सरकारले छुट्यायो साढे ६७ करोड, डेढ लाख क्विन्टल खरिद गर्ने तयारी

काठमाण्डौ । सरकारी स्वामित्वको खाद्य व्यवस्था तथा व्यापार कम्पनी लिमिटेडले चालु आर्थिक वर्ष २०८३/८४ मा किसानबाट १...

#खरिद #धान #क्विन्टल
Compare →
Hamro Patro News
47m ago
भारतबाट १५० मेगावाट विद्युत खरिद गर्न बाेलपत्र आह्वानकाे तयारी

भारतबाट १५० मेगावाट विद्युत खरिद गर्न बाेलपत्र आह्वानकाे तयारी

काठमाडौँ । आगामी सुख्खायाममा विद्युत आपूर्ति व्यवस्थापन सहज बनाउन नेपाल विद्युत प्राधिकरणले भारतबाट १५० मेगावाट विद्युत खरिद गर्ने प्रक्रिया अघि बढाउने भएको छ । प्राधिकरणले जनवरी २०२७ देखि मे २०२७ ...

#खरिद
Compare →
Nagarik News
52m ago
हिउँदमा नेपालले भारतबाट १५० मेगावाट आरटीसी विद्युत खरिद गर्ने

हिउँदमा नेपालले भारतबाट १५० मेगावाट आरटीसी विद्युत खरिद गर्ने

प्राधिकरण सञ्चालक समिति सदस्य अंशु किरण शाहीका अनुसार प्राधिकरणले १५० मेगावाट विद्युत चौबिसै घण्टा अर्थात् राउन्ड द क्लक (आरटीसी) मोडमा खरिद गर्ने योजना बनाएको छ।

#खरिद
Compare →
Ekantipur
2h ago
हिउँदे बालीका लागि भारतबाट खरिद गरिएको जिटुजीको मल पूर्णरुपमा भित्रियो

हिउँदे बालीका लागि भारतबाट खरिद गरिएको जिटुजीको मल पूर्णरुपमा भित्रियो

भारतबाट खरिद गरिएको ३० हजार टन युरिया र २० हजार टन डीएपीमध्ये वीरगन्ज कार्यालयले ७ हजार ९५४ टन युरिया र ५ हजार ८०७ टन डीएपी प्राप्त गरेको छ।

#खरिद
Compare →

Related Stories

Politics & Governance
Build #2612