धनकुटा नगरपालिकाले मंसिर ८ र ९ गते नगरस्तरीय सरकारी कार्यालय तथा शैक्षिक संस्थामा बिदा दिने जनाएको छ।
धनकुटा — धनकुटा नगरपालिकाले आठपहरिया जातिको ठूलो चाड वढाङ्मेटाका अवसरमा दुई दिन स्थानीय बिदा दिने निर्णय गरेको छ ।
नगरपालिकाले बिहीवार सूचना जारी गर्दै आगामी मंसिर ८ र ९ गते स्थानीय बिदा दिने जनाएको हो । नगरपालिकाको निर्णयअनुसार उक्त दुई दिन नगरपालिका क्षेत्रभित्रका नगरस्तरीय सरकारी कार्यालय तथा शैक्षिक संस्थामा बिदा हुने प्रमुख प्रशासकीय अधिकृत भुपेन्द्र सापकोटाले जनाएका छन् । अत्यावश्यक सेवा भने नियमित सञ्चालन हुने नगरपालिकाले जनाएको छ ।
धनकुटामा बसोबास गर्ने आठपहरिया समुदायले मंसिर महिनामा आफ्नो मौलिक संस्कृति, परम्परा र पहिचानसँग जोडिएको वढाङ्मेटा चाड विशेष महत्त्वका साथ मनाउँदै आएका छन् ।
विनोद घिमिरे कान्तिपुर संवाददाता हुन्।