एमालेको २ दिने राष्ट्रिय भेलामा पार्टी शुद्धीकरण र सुदुढीकरणसम्बन्धी लिखित प्रतिवेदन राख्दै एमाले महासचिव शंकर पोखरेलले सामूहिकतामा आधारित संस्कृतिको विकास गर्नुपर्ने बताए ।
काठमाडौं — एमाले महासचिव शंकर पोखरेलले पार्टी सुदृढीकरणको नाममा फरक विचार राख्नेलाई निषेध गर्न नहुने बताएका छन् । एमालेको २ दिने राष्ट्रिय भेलामा पार्टी शुद्धीकरण र सुदुढीकरणसम्बन्धी लिखित प्रतिवेदन राख्दै उनले सामूहिकतामा आधारित संस्कृतिको विकास गर्नुपर्ने बताएका हुन् ।
‘सुदृढीकणको उद्देश्य कसैलाई निषेध गर्नु भएन । एउटै प्रकृतिको घटनामा दोहोरो मापदण्ड देखिनु हुँदैन । यथार्थका आधारमा पार्टीको आदर्श, अनुशासन, नैतिकता र जनविश्वासलाई पुनर्स्थापित गर्नु शुद्धीकरणको उद्देश्य हो,’ उनले भने, ‘पार्टीमा देखापरिका कमीकमजोरी जनता सम्बन्ध सुदउढ बनाउँदै सामूहिकतामा आधारित पार्टी संस्कृति विस्तार गरी अघि बढ्नु आजको आवश्यकता हो ।’
उनले पार्टी नेतृत्व र नीति पुनर्गठन कार्यदलले तयार पारेको प्रतिवेदनका आधारमा अघि बढ्नु पर्ने बताए । कार्यदलले समग्र पार्टीको पुनर्गठनको आधारमा पार्टी निर्माण गर्नुपर्ने प्रतिवेदन तयार गरेको थियो ।