Trending
Prev Story
Next Story

फिलिपिन्समा पत्रकारको प्रश्नहरूले मोदी असहज, ट्रम्पसँग सोधे- हामी अब अगाडि बढौँ ?

Onlinekhabar •
November 18, 2026 • 08:00 AM
3
3 reads 0 reactions

फिलिपिन्सको राजधानी मनिलामा मङ्गलबार आयोजित क्वाड शीर्ष नेताहरूको शिखर सम्मेलनका क्रममा भारतीय प्रधानमन्त्री नरेन्द्र मोदीका लागि केही असहज देखिने दृश्य सार्वजनिक भएको छ। क्वाड समूहका चार राष्ट्र अमेरिका, भारत, अस्ट्रेलिया र जापानका शीर्ष नेताहरूबिचको छोटो फोटो …

फिलिपिन्समा पत्रकारको प्रश्नहरूले मोदी असहज, ट्रम्पसँग सोधे- हामी अब अगाडि बढौँ ?

फिलिपिन्सको राजधानी मनिलामा मङ्गलबार आयोजित क्वाड शीर्ष नेताहरूको शिखर सम्मेलनका क्रममा भारतीय प्रधानमन्त्री नरेन्द्र मोदीका लागि केही असहज देखिने दृश्य सार्वजनिक भएको छ।

क्वाड समूहका चार राष्ट्र अमेरिका, भारत, अस्ट्रेलिया र जापानका शीर्ष नेताहरूबिचको छोटो फोटो सेसनलाई अमेरिकी राष्ट्रपति डोनाल्ड ट्रम्पले एक्कासी पत्रकारहरूसँगको प्रश्नोत्तर सत्रमा परिणत गरिदिएपछि प्रधानमन्त्री मोदीले कार्यक्रमलाई बीचमै टुङ्ग्याउने प्रयास गरेका हुन्।

फिलिपिन्सले आयोजना गरेको आसियान शिखर सम्मेलनको साइडलाइनमा भएको उक्त भेटवार्तामा राष्ट्रपति ट्रम्प र प्रधानमन्त्री मोदीसँगै अस्ट्रेलियाली प्रधानमन्त्री एन्थोनी अल्बानिज र जापानी प्रधानमन्त्री साने ताकाइची उपस्थित थिए।

फोटो सेसनको असहज संवाद र ट्रम्पको टिप्पणी

भारतको नेतृत्व सम्हालेको एक दशकभन्दा लामो अवधिमा एकपटक पनि खुला पत्रकार सम्मेलन गरेका छैनन्। प्रधानमन्त्री मोदीका लागि ट्रम्पले पत्रकारहरूका छड्के प्रश्नहरूको लगातार जवाफ दिन थालेपछि परिस्थिति केही असहज देखिएको थियो। ट्रम्पले पत्रकारहरूको प्रश्नको जवाफ दिइरहँदा मोदीले उनलाई बीचमै रोक्ने प्रयास गर्दै सोधे, ‘के हामी अब अगाडि बढौँ?’

त्यसको जवाफमा एक क्षण मोदीतर्फ फर्किएका ट्रम्पले हाँस्दै भने, ‘हेर्नुहोस् त मलाई कस्ता कडा प्रश्नहरू सोधिन्छन्।’ त्यसपछि पत्रकारहरूको पूरक प्रश्नलाई बीचमै रोक्दै ट्रम्पले छेउमै उभिएका भारतीय प्रधानमन्त्री मोदीतर्फ औँल्याउँदै भने, ‘र, प्रसङ्गवश भनिहालौँ, उनी एकदमै कडा मानिस हुन्।’ लगत्तै ट्रम्पले जापानी प्रधानमन्त्री साने ताकाइचीको प्रशंसा गर्दै थपे, ‘र, उनी (ताकाइची) त अझै कडा हुन सक्छिन्।’

ट्रम्पले चारै देशका नेताहरूसँगको आफ्नो आत्मीयता दर्शाउँदै अगाडि भने, ‘यी व्यक्तिहरू र यी देशहरूसँग हाम्रो सुरुदेखि नै निकै राम्रो सम्बन्ध छ। म यी तीनै जनासँग लामो समयदेखि काम गरिरहेको छु, र उहाँहरू अद्भुत व्यक्तित्व हुनुहुन्छ। उहाँहरू मेरा राम्रा मित्र हुनुहुन्छ, जसले काम गर्न झन् सहज बनाउँछ।’

पछि शिखर बैठकका क्रममा समेत ट्रम्पले मोदीलाई आफ्नो मित्र, एक ‘महान नेता’ र विश्वभर सबैले उच्च सम्मान गर्ने व्यक्तित्वका रूपमा प्रशंसा गरेका थिए।

मोदीको लगातार प्रशंसा र राजनीतिक स्थिरताको चर्चा

राष्ट्रपति ट्रम्पले भारतीय प्रधानमन्त्री मोदीको प्रशंसा गरेको यो पहिलो पटक भने होइन। यसै वर्षको जुन महिनामा अमेरिकी समाचार संस्था ‘एक्सियोस’ सँगको अन्तर्वार्तामा समेत ट्रम्पले मोदीलाई एक ‘महान नेता’, ‘निकै कडा स्वभावका व्यक्ति’ र आफूले सबैभन्दा बढी प्रशंसा गर्ने विश्व नेताहरूमध्ये एक भनेका थिए।

उक्त अन्तर्वार्तामा ट्रम्पले भारतमा राजनीतिक स्थिरता ल्याउने नेताका रूपमा मोदीको उदाहरण दिँदै भनेका थिए, ‘मैले मेरो जीवनभर भारतलाई हेरेको छु, त्यहाँ सरकारहरू निरन्तर फेरिरहन्थे । कोही छ महिना बस्थे त कोही एक वर्ष। तर अचानक प्रधानमन्त्री मोदी त्यहाँ आउनुभयो। उहाँ १२ वर्षभन्दा बढी समयदेखि अत्यन्तै मजबुत रूपमा नेतृत्वमा रहिरहनुभएको छ।’

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Hamro Patro News
2d ago
आसियान शिखर सम्मेलनमा सहभागी हुन मोदी मनिला जाँदै, ट्रम्प र लुला पनि सहभागी हुने सम्भावना

आसियान शिखर सम्मेलनमा सहभागी हुन मोदी मनिला जाँदै, ट्रम्प र लुला पनि सहभागी हुने सम्भावना

काठमाडौं : भारतीय प्रधानमन्त्री नरेन्द्र मोदी तीनदिने भ्रमणका लागि फिलिपिन्सको राजधानी मनिला जाने भएका छन् । उनले मनिलामा आयोजना हुने आसियान शिखर सम्मेलन र पूर्वी एसिया शिखर सम्मेलनमा सहभागिता जनाउ...

#मोदी #ट्रम्प
Compare →
Nagarik News
1h ago
ट्रम्प र जापानी प्रधानमन्त्रीबीच भेटवार्ता, इन्डो–प्यासिफिकमा सहकार्यको प्रतिबद्धता

ट्रम्प र जापानी प्रधानमन्त्रीबीच भेटवार्ता, इन्डो–प्यासिफिकमा सहकार्यको प्रतिबद्धता

जापानको विदेश मन्त्रालयका अनुसार दुवै नेताबीच मंगलबार फिलिपिन्सको मनिलामा आयोजित रात्रिभोजका क्रममा कुराकानी भएको हो।

#फिलिपिन्स #ट्रम्प
Compare →
Ekantipur
1d ago
एशिया भ्रमणमा ट्रम्प : मनिला र सेन्जेनमा महत्वपूर्ण भेटघाट

एशिया भ्रमणमा ट्रम्प : मनिला र सेन्जेनमा महत्वपूर्ण भेटघाट

ट्रम्पले बिहीबार चिनियाँ राष्ट्रपति सी चीनफिङ र रुसी राष्ट्रपति भ्लादिमिर पुटिनसँग भेट गर्नेछन्

#क्वाड #ट्रम्प
Compare →

Related Stories

World News
Build #2612