Trending
Prev Story
Next Story

ट्रम्पसँगको भेटअघि सी-पुटिनले गरे अमेरिका र पश्चिमा मुलुकको कडा आलोचना

Ekantipur •
November 18, 2026 • 07:32 AM
3
3 reads 0 reactions

बिहीबार हुने त्रिपक्षीय बैठकमा रुस-युक्रेन युद्ध, अमेरिकी-इरान द्वन्द्व, व्यापार, कृत्रिम बौद्धिकता (एआई) र आणविक हतियारजस्ता विषयमा छलफल हुने अपेक्षा गरिएको छ

ट्रम्पसँगको भेटअघि सी-पुटिनले गरे अमेरिका र पश्चिमा मुलुकको कडा आलोचना

बिहीबार हुने त्रिपक्षीय बैठकमा रुस-युक्रेन युद्ध, अमेरिकी-इरान द्वन्द्व, व्यापार, कृत्रिम बौद्धिकता (एआई) र आणविक हतियारजस्ता विषयमा छलफल हुने अपेक्षा गरिएको छ

सेन्जेन — चिनियाँ राष्ट्रपति सी जिनपिङले व्यापार संरक्षणवादको डटेर सामना गर्ने प्रतिबद्धता जनाएका छन् । त्यस्तै, रुसी समकक्षी भ्लादिमिर पुटिनले पश्चिमी देशका प्रतिबन्धको कडा आलोचना गरेका छन् ।

अमेरिकी राष्ट्रपति डोनल्ड ट्रम्पसँगको उच्चस्तरीय त्रिपक्षीय बैठकको पूर्वसन्ध्यामा शेन्जेनमा आयोजित एसिया-प्रशान्त आर्थिक सहयोग (एपेक) शिखर सम्मेलनमा उनीहरूले यस्तो धारणा राखेका हुन् ।

बिहीबार हुने त्रिपक्षीय बैठकमा रुस-युक्रेन युद्ध, अमेरिकी-इरान द्वन्द्व, व्यापार, कृत्रिम बौद्धिकता (एआई) र आणविक हतियारजस्ता विषयमा छलफल हुने अपेक्षा गरिएको छ।

यस ऐतिहासिक भेटघाटलाई महाशक्ति राष्ट्रहरूले साना देशहरूमाथि आफ्नो प्रभाव लाद्ने १९४५ को 'याल्टा सम्मेलन'सँग तुलना गरेका छन् । तत्कालीन समय बेलायत, अमेरिका र सोभियत युनियनका नेताहरुले याल्टा सम्मेलनमार्फत दोस्रो विश्‍वयुद्धपछिको विश्‍व व्यवस्था तय गर्न महत्वपूर्ण भूमिका खेलेका थिए ।

सम्बोधनका क्रममा चिनियाँ राष्ट्रपति सीले खुला तथा स्वतन्त्र व्यापारको पक्षमा वकालत गर्दै अमेरिकाले नयाँ प्रतिबन्धहरू लगाए पनि चीन स्थिर साझेदारको रूपमा उभिने बताए।

वासिङ्टनले उन्नत एआई चिप्समाथि थप प्रतिबन्ध घोषणा गरेपछि बेइजिङले पनि कडा प्रतिशोधको चेतावनी दिएको छ। सीको यो भनाइले 'ग्लोबल साउथ' (विकासशील देशहरू) मा राम्रो प्रभाव पार्ने विश्लेषकहरूको विश्लेषण छ।

यसैबीच, युक्रेनले क्रिमिया जोड्ने महत्त्वपूर्ण केर्च पुल ध्वस्त पारेलगत्तै मञ्चमा प्रस्तुत भएका रुसी राष्ट्रपति पुटिनले पश्चिमी प्रतिबन्धहरू पूर्ण रूपमा असफल भएको दाबी गरे।

उनले युरोप कमजोर हुँदै गएको टिप्पणी गर्दै प्रतिबन्धहरूले रुसलाई कमजोर बनाउनुको साटो झन् बलियो बनाएको बताए। विश्वमा देखिएका विवादहरू संवादमार्फत समाधान गर्न सकिने बताउँदै उनले त्रिपक्षीय बैठकबाट ठूलो लाभ हुने अपेक्षा व्यक्त गरे।

फिलिपिन्सको भ्रमणका क्रममा अमेरिकी राष्ट्रपति ट्रम्पले पनि दक्षिण चीन सागरमा देखिएको विवादबीच रक्षा सहकार्य गहिरो बनाउने प्रतिबद्धता जनाएका छन्।

भूराजनीतिक तनाव र व्यापारिक द्वन्द्वकाबीच हुन लागेको यो त्रिपक्षीय भेटघाटले आगामी दिनमा अन्तर्राष्ट्रिय सम्बन्ध र विश्व अर्थतन्त्रको दिशा तय गर्न महत्त्वपूर्ण भूमिका खेल्ने देखिएको छ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
2d ago
नेटो सदस्यता पाउन डोनबास छाड्नुपर्ने अमेरिकी प्रस्तावले जेलेन्स्की आश्चर्यचकित

नेटो सदस्यता पाउन डोनबास छाड्नुपर्ने अमेरिकी प्रस्तावले जेलेन्स्की आश्चर्यचकित

​काठमाडौँ। रुस–युक्रेन युद्ध अन्त्यका लागि भइरहेको कूटनीतिक प्रयासबीच अमेरिकाले युक्रेनलाई नेटो (उत्तर एटलान्टिक सन्धि संगठन) को सदस्यता दिने बदलामा डोनबास क्षेत्र रुसलाई छाड्ने प्रस्ताव अघि सारेको...

#अमेरिकी #रुस #युक्रेन
Compare →
Bizshala
2d ago
युक्रेनमा इन्टरनेट सेवा सुस्त, प्रतिबन्ध हटाउन अमेरिका र मस्कसँग जेलेन्स्कीको आग्रह

युक्रेनमा इन्टरनेट सेवा सुस्त, प्रतिबन्ध हटाउन अमेरिका र मस्कसँग जेलेन्स्कीको आग्रह

काठमाडौं । युक्रेनका राष्ट्रपति भोलोदिमिर जेलेन्स्कीले अमेरिकी सरकार र एलन मस्कसँग युक्रेनको सुरक्षा सुनिश्चित गर्न...

#अमेरिकी #युक्रेन #अमेरिका
Compare →
Nagarik News
3d ago
अमेरिकाले नेटो सदस्यताको बदलामा डोनबास छाड्ने प्रस्ताव 
गर्‍यो : जेलेन्स्की

अमेरिकाले नेटो सदस्यताको बदलामा डोनबास छाड्ने प्रस्ताव गर्‍यो : जेलेन्स्की

जेलेन्स्कीका अनुसार अमेरिकी पक्षले युक्रेन नेटोमा सामेल भए डोनबासबाट पछि हट्न तयार हुन्छ कि हुँदैन भन्ने प्रश्न उठाएको थियो।

#अमेरिकी #युक्रेन #अमेरिका
Compare →
Onlinekhabar
1d ago
बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै

बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै

अमेरिकी राष्ट्रपति डोनाल्ड ट्रम्पका विशेष दूतहरू स्टिभ विटकफ र ज्यारेड कुश्नरले यसै साता युक्रेनी तथा युरोपेली अधिकारीहरूसँग भेटवार्ता गर्ने भएका छन् । युक्रेनका लागि दीर्घकालीन सुरक्षा ग्यारेन्टी र युद्धपछिको आर्थिक पुनर्निर्माण योजनामा काम गर्न वार्ता …

#अमेरिकी #युक्रेन
Compare →

Related Stories

World News
Build #2612