Trending
Prev Story
Next Story

गोलबजारमा लामो समयदेखि अवरुद्ध राष्ट्रिय परिचयपत्र सेवा सुरु

Onlinekhabar •
November 18, 2026 • 02:01 AM
4
4 reads 0 reactions

२ मंसिर, सिरहा । सिरहाको गोलबजार नगरपालिकामा लामो समयदेखि अवरुद्ध रहेको राष्ट्रिय परिचयपत्र बनाउने सेवा मंगलबारदेखि पुनः सञ्चालनमा आएको छ। सेवा सुरु भएसँगै नगरपालिकाका १३ वटै वडाका नागरिकलाई राष्ट्रिय परिचयपत्र बनाउन सहज हुने अपेक्षा गरिएको छ। गोलबजार …

गोलबजारमा लामो समयदेखि अवरुद्ध राष्ट्रिय परिचयपत्र सेवा सुरु

२ मंसिर, सिरहा । सिरहाको गोलबजार नगरपालिकामा लामो समयदेखि अवरुद्ध रहेको राष्ट्रिय परिचयपत्र बनाउने सेवा मंगलबारदेखि पुनः सञ्चालनमा आएको छ।

सेवा सुरु भएसँगै नगरपालिकाका १३ वटै वडाका नागरिकलाई राष्ट्रिय परिचयपत्र बनाउन सहज हुने अपेक्षा गरिएको छ।

गोलबजार नगरपालिकाका नगर प्रमुख श्यामकुमार श्रेष्ठ, उपप्रमुख मान्तीदेवी साह, निमित्त प्रमुख प्रशासकीय अधिकृत सरोजकुमार कर्णलगायत वडा अध्यक्षहरूको उपस्थितिमा सेवाको उद्घाटन गरी शुभारम्भ गरिएको हो।

उद्घाटन कार्यक्रममा नगर प्रमुख श्रेष्ठले राष्ट्रिय परिचयपत्र सेवासँगै नापी, मालपोत तथा कर (प्यान/भ्याट) सम्बन्धी सेवा पनि स्थानीय स्तरबाटै उपलब्ध गराउने तयारी भइरहेको जानकारी दिए।

उनले आगामी पुस महिनाभित्र आवश्यक व्यवस्थापन पूरा गरी तीनवटै सेवा सञ्चालनमा ल्याउने तयारी गरिएको बताए। यी सेवा सञ्चालनमा आएपछि नागरिकले सामान्य कामका लागि अन्यत्र धाउनुपर्ने बाध्यता अन्त्य हुने उनको भनाइ छ।

त्यस्तै, निमित्त प्रमुख प्रशासकीय अधिकृत सरोजकुमार कर्णले राष्ट्रिय परिचयपत्र नागरिकका लागि अत्यावश्यक दस्तावेज बन्दै गएको बताए।

स्वास्थ्य बिमा गर्नसमेत राष्ट्रिय परिचयपत्र आवश्यक पर्न थालेको उल्लेख गर्दै उनले नागरिकको दैनिक जीवनमा यसको महत्त्व बढ्दै गएको बताए।

गोलबजार नगरपालिका–४ का वडाध्यक्ष सकलदेव यादवले लामो समयदेखि सेवा अवरुद्ध हुँदा नगरवासीले विभिन्न समस्या र सास्ती खेप्नुपरेको बताए। आफ्नै नगरपालिकाबाट सेवा सञ्चालनमा आएपछि नागरिकलाई ठूलो राहत मिल्ने उनको भनाइ छ।

मंगलबार दिउँसो ३ बजेदेखि सुरु भएको सेवाबाट साँझसम्म १० जनाले राष्ट्रिय परिचयपत्रका लागि सेवा लिइसकेको राष्ट्रिय परिचयपत्र शाखाका कर्मचारी सन्तोषकुमार सिंहले जानकारी दिए। उनका अनुसार बुधबार बिहानदेखि सेवाग्राहीको चाप थप बढ्न सक्ने अनुमान गरिएको छ।

स्थानीय स्तरमै राष्ट्रिय परिचयपत्र सेवा सुरु भएपछि गोलबजारका नागरिकलाई सेवा लिन अन्यत्र जानुपर्ने बाध्यता हट्ने अपेक्षा गरिएको छ।

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Hamro Patro News
5d ago
डेढ किलोमिटर लामो छठ घाटका ५ तस्बिर

डेढ किलोमिटर लामो छठ घाटका ५ तस्बिर

महाेत्तरी । महोत्तरीको मटिहानी, धनुषाको तुलसियाही र भारत विहारको मधवापुर, रामपुरमा छठ पर्व मनाउन बिगही नदीमा करिब डेढ किलोमिटर लामो दूरीमा निर्माण गरिएको टेन्टसहितको छठ घाट । मटिहानी नगरपालिकाका प्...

#लामो
Compare →
Nagarik News
1w ago
देश फर्किने तयारीमा शेख हसिना, पासपोर्ट र राष्ट्रिय परिचयपत्रका लागि दिइन् आवेदन

देश फर्किने तयारीमा शेख हसिना, पासपोर्ट र राष्ट्रिय परिचयपत्रका लागि दिइन् आवेदन

हसिनाका बेलायतस्थित वकिलहरूले सोमबार नयाँदिल्लीस्थित बंगलादेशको उच्च आयोगलाई पत्र पठाउँदै नयाँ पासपोर्ट र राष्ट्रिय परिचयपत्र जारी गर्न आग्रह गरेका हुन्।

#परिचयपत्र
Compare →

Related Stories

Education & Youth
Build #2612