Trending
Prev Story
Next Story

उपत्यकामा अब छाप लगाइएको मासु किनबेच

Ekantipur •
November 18, 2026 • 01:02 AM
5
5 reads 0 reactions

मासु निरीक्षण गरेर छाप लगाउन २४० निरीक्षक परिचालन, आगामी १ साउनसम्म देशभर मासुमा ‘उपभोगयोग्य छाप’ अनिवार्य गर्ने सरकारको तयारी

उपत्यकामा अब छाप लगाइएको मासु किनबेच

मासु निरीक्षण गरेर छाप लगाउन २४० निरीक्षक परिचालन, आगामी १ साउनसम्म देशभर मासुमा ‘उपभोगयोग्य छाप’ अनिवार्य गर्ने सरकारको तयारी

काठमाडौँ — काठमाडौं उपत्यकामा ‘उपभोगयोग्य छाप’ लगाएर मासु किनबेच हुन थालेको छ । उपत्यकाका तीन जिल्लामा मंगलबारदेखि मासु जाँच ऐनअनुसार वध गर्नुअघि पशुको स्वास्थ्य परीक्षण र वधपछि मासु परीक्षण गरेर उपभोगयोग्य छाप लगाउने व्यवस्था गरिएको हो ।

पशु वधशाला तथा मासु जाँच ऐन, २०५५ अनुरूप पहिलो दिन उपत्यकाका पाँच स्थानमा कुखुरा र राँगाको मासु निरीक्षण गरी उपभोगयोग्य छाप लगाइएको छ । पशु सेवा विभागका महानिर्देशक उमेश दाहालले मंगलबार काठमाडौंका चार र भक्तपुरको एउटा वधस्थलबाट मासु परीक्षण गरेर छाप लगाइएको जानकारी दिए । ‘पहिलो दिन करिब ४३ हजार किलो मासु परीक्षण गरी बजार पठाइएको छ,’ उनले भने ।

दाहालका अनुसार पशुको वधअघि शारीरिक अवस्था परीक्षण गर्नुपर्छ । वधपछि पनि मासुमा रोग र कीटाणुको परीक्षण गर्नुपर्छ । परीक्षण मासु निरीक्षकले गर्छन् । परीक्षणमा स्वस्थ देखिए मात्रै उपभोगयोग्य छाप लगाइन्छ । बजारमा छाप लगाइएको मासु मात्र किन्न उपभोक्तालाई दाहालले सुझाव दिए । मासुमा लगाइने छापमा नीलो मसी प्रयोग गरिन्छ, जुन भेटेरिनरीको प्रतीक रहेको पशु सेवा विभागको भनाइ छ । ‘यो रङले स्वास्थ्यमा कुनै असर गर्दैन,’ विभागका वरिष्ठ पशु चिकित्सक नवराज श्रेष्ठले भने ।

मासु जाँचसम्बन्धी ऐनको व्यवस्था कार्यान्वयनका लागि उपत्यकामा पहिलो चरणमा २१ पालिकासँगको सहकार्यमा वधस्थल निर्धारण र मासु निरीक्षक परिचालनको प्रक्रिया अघि बढाइएको छ । त्यसका लागि मन्त्रीस्तरीय निर्णयबाट नियुक्त तथा तालिम प्राप्त २ सय ४० जना मासु निरीक्षक परिचालन भएका छन् । ‘स्थानीय सरकार सञ्चालन ऐनअनुसार पनि यसको जिम्मेवारी स्थानीय तहको हुने भएकाले पालिकाहरूसँगको सहकार्यमा काम अघि बढेको छ, अहिले सुरुवाती चरण छ,’ दाहालले भने, ‘पालिकाहरूमा निश्चित वधशाला तोक्ने प्रक्रिया चलिरहेको छ । चाँडै वधशाला तोकेर परीक्षण विस्तार गर्नेछौं ।’

पशु वधशाला तथा मासु जाँच ऐनमा इजाजतपत्र लिएका व्यवसायीले मात्रै मासु बेच्न पाउने व्यवस्था छ । पशु सेवा विभागका अनुसार इजाजत नभएका खुद्रा पसलले मासु काट्न (प्रशोधन गर्न) पाउँदैनन् । उनीहरूले वधशालामा परीक्षण भएको छापयुक्त मासु भने बेच्न पाउँछन् । सरकारी मासु निरीक्षकले एकभन्दा धेरै मासु पसल निरीक्षण गर्न सक्छन् । इजाजतपत्र नलिएका व्यवसायीलाई कारबाही हुने वा सचेत गराइने पशु सेवा विभागले बताएको छ ।

पशु वधशाला तथा मासु जाँच ऐन २८ वर्षअघि नै जारी भए पनि अहिले कडाइसाथ कार्यान्वयनमा ल्याइएको हो । सरकारले गत १ भदौमा नेपाल राजपत्रमा सूचना प्रकाशन गर्दै मासु जाँचको व्यवस्था कार्यान्वयन घोषणा गरेको थियो । अहिले उपत्यकामा लागू गरिएको यो व्यवस्था आगामी १ साउन २०८४ सम्म देशभर कार्यान्वयनमा ल्याउने कृषि, वन तथा पर्यावरण मन्त्रालयको तयारी छ ।

प्रकृति कान्तिपुर मिडिया ग्रुपका आबद्ध दाहाल, अर्थतन्त्रका विविध आयाम, महिला अधिकार र प्रशासनका विषयमा रिपोर्टिङ गर्छिन् ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
21h ago
उपत्यकामा स्वस्थ मासुमा छाप लगाउन थालियो

उपत्यकामा स्वस्थ मासुमा छाप लगाउन थालियो

काठमाडौं । काठमाडौं उपत्यकामा स्वस्थ मासुमा छाप लगाउने कार्य सुरु गरिएको छ । उपभोक्ताले स्वच्छ, सुरक्षित र गुणस्तरीय मासु उपभोग गर्न पाउने व्यवस्था सुनिश्चित गर्ने उद्देश्यले कृषि, वन तथा पर्यावरण...

#मासु #छाप #उपत्यका
Compare →
Onlinekhabar
1d ago
अब छाप हेरेर मात्रै मासु किन्नुहोला, उपत्यकामा आजदेखि ‘मासु जाँच ऐन’ लागु

अब छाप हेरेर मात्रै मासु किन्नुहोला, उपत्यकामा आजदेखि ‘मासु जाँच ऐन’ लागु

१ मंसिर, काठमाडौं । आज १ मंसिरदेखि काठमाडौं उपत्यकाका तीन वटै जिल्ला (काठमाडौं, ललितपुर र भक्तपुर) का सम्पूर्ण स्थानीय तहमा ‘पशु वधशाला तथा मासु जाँच ऐन २०५५’ औपचारिक रूपमा लागु भएको छ । उपभोक्तालाई स्वच्छ, स्वस्थ …

#मासु #उपत्यका #छाप
Compare →
Bizshala
1d ago
काठमाडौं उपत्यकामा आजदेखि पशु वधशाला तथा मासु जाँच ऐन लागू

काठमाडौं उपत्यकामा आजदेखि पशु वधशाला तथा मासु जाँच ऐन लागू

काठमाडौं । काठमाडौं उपत्यकाका तीनवटै जिल्ला काठमाडौं, ललितपुर र भक्तपुरका सबै स्थानीय तहमा आजदेखि ‘पशु वधशाला तथा मासु...

#मासु #उपत्यका
Compare →
Nagarik News
21h ago
आजदेखि उपत्यकामा स्वस्थ मासुमा छाप लगाउन थालियो

आजदेखि उपत्यकामा स्वस्थ मासुमा छाप लगाउन थालियो

कृषि, वन तथा पर्यावरण मन्त्रालयले पशु बधशाला तथा मासु जाँच ऐनको कार्यान्वयन सुरु गरेको छ।

#मासु #उपत्यका #छाप
Compare →

Related Stories

Technology
Build #2612