२९ कात्तिक, काठमाडौं । कञ्चनपुर बेलौरी नगरपालिकामा अग्नि नियन्त्रण तथा उद्धार तालिम सम्पन्न भएको छ ।
बेलौरी नगरपालिकाको आयोजना तथा युनिसेफ नेपालको सहकार्यमा कञ्चनपुर जिल्लाका ७ स्थानीय तहका दमकलमा कार्यरत फायर फाइटरहरूको क्षमता अभिवृद्धि गर्ने उद्देश्यले ३ दिने ‘अग्नि नियन्त्रण तथा उद्धार तालिम’ सम्पन्न भएको हो ।
जिल्लाका पुनर्वास नगरपालिका, बेलौरी नगरपालिका, कृष्णपुर नगरपालिका, शुक्लाफाँटा नगरपालिका, वेदकोट नगरपालिका, दोधारा चाँदनी नगरपालिका र लालझाडी गाउँपालिका अन्तर्गत दमकल सेवामा कार्यरत जनशक्ति थप दक्ष र व्यावसायिक बनाउन उक्त तालिम सञ्चालन गरिएको हो ।
तालिम सहजीकरण गर्दै वरिष्ठ अग्नि नियन्त्रण तथा उद्धार प्रशिक्षक किशोरकुमार भट्टराईले सहभागीलाई विपद्का विभिन्न अवस्थामा अपनाइने सुरक्षा सतर्कता, आगो नियन्त्रणका आधुनिक तरिका तथा उद्धारका व्यावहारिक सिपबारे प्रशिक्षण प्रदान गरेका थिए ।
