भीरबाट खसेको ढुंगा लाग्दा एकको मृत्यु

जिल्लाको गौमुल गाउँपालिकामा भीरबाट खसेको ढुंगा लागेर एक जनाको मृत्यु भएको छ ।

बाजुरा — जिल्लाको गौमुल गाउँपालिकामा भीरबाट खसेको ढुंगा लागेर एक जनाको मृत्यु भएको छ ।

सोही गाउँपालिका–५ कोट बस्ने बलबहादुर बुढाका छोरा ८ वर्षीय समीर बुढाको घटनास्थलमै मृत्यु भएको जिल्ला प्रहरी कार्यालय बाजुराका प्रहरी निरीक्षक तथा प्रवक्ता गगनसिंह भाटले जानकारी दिएका छन् ।

उनले दिएको जानकारी अनुसार शनिबार वडा नम्बर ४ को घोगालाबा आफ्नै घर कोट जाने क्रममा भीरबाट खसेको ढुंगा टाउकोमा लाग्दा घटनास्थलमै मृत्यु बताए ।

मृतक बालकको शव पोष्टमार्टमका लागि जिल्ला अस्पताल बाजुरामा ल्याइएर राखिएको छ ।