पाथीभरामा एकैदिन ११ हजार बढी दर्शनार्थी

ताप्लेजुङमा अवस्थित प्रसिद्ध धार्मिकस्थल पाथीभरामा एकैदिन ११ हजार २७२ जना दर्शनार्थी पुगेका छन् । शनिबार एकैदिन उक्त सङ्ख्यामा भक्तजनले पाथीभरा मन्दिरमा दर्शन तथा पूजापाठ गरेका हुन् ।

पाथीभरा क्षेत्र विकास समितिका अनुसार यो सङ्ख्या यस वर्षकै सबैभन्दा बढी हो । यसअघि कात्तिक तेस्रो साता मंगलबार एकैदिन १० हजार ६१६ जना भक्तजनले पाथीभरा दर्शन गरेका थिए । कात्तिकको अन्तिम साता शनिबार दर्शनार्थीको सङ्ख्याले यसअघिको रेकर्ड तोडेको समितिका कार्यकारी निर्देशक प्रजिन हाङ्बाङले जानकारी दिनुभयो ।

Read full story at source ( gorkhapatraonline.com )